Watchtower ONLINE LIBRARY
Watchtower
ONLINE LIBRARY
Ponapean
  • PAIPEL
  • SAWASEPEN PAIPEL KAN
  • MIHTING KAN
  • lfb iren mehn kasukuhl 30 p. 76
  • Reap Karukehla Lipoahrok Riemeno

Sohte kasdo ong met

Kupwurmahk, mehkot sapwung en kihda kasdo

  • Reap Karukehla Lipoahrok Riemeno
  • Mehn Kasukuhl kan me Ke Kak Sukuhlkihsang Paipel
  • Ire kan me Duwehte Met
  • Reap Kamehlele Siohwa
    Padahki Noumw Seri
  • Rehap Ekihla Lipahrok Kan
    Nai Pwuhk en Poadoapoad Kan en Paipel
  • Kehl en Seriko
    Nai Pwuhk en Poadoapoad Kan en Paipel
  • Ire Kesempwal akan Sang Nan Pwuhken Sosua
    Kahn Iroir Pakpakairki Wehin Siohwa—2004
Kilang Pil Ekei
Mehn Kasukuhl kan me Ke Kak Sukuhlkihsang Paipel
lfb iren mehn kasukuhl 30 p. 76
Reap doarehla lipoahrok ko ni eh kadarala sounpei ko ehu wasa tohrohr

IREN MEHN KASUKUHL 30

Reap Karukehla Lipoahrok Riemeno

Ni ahnsou me lipoahrok en Israel riemeno kohla ni kahnimw en Seriko, ira mihmi ni imwen lih emen me adaneki Reap. Nanmwarkien Seriko esehda met oh kadarala sounpei kei ni imwen Reap. E karukehla lipoahrok riemeno pohn pwelengen ihmwo oh kadarala sounpei ko ehu wasa tohrohr. Ih eri ndaiong lipoahrok riemeno: ‘I pahn sewese kumwa pwehki I ese me Siohwa kin ketin ieiang kumwail oh me kumwail pahn kalowehdi sahpwet. Menlau inoukihong ie me kumwail pahn kapitala ei peneinei.’

Lipoahrok ko eri ndaiong Reap: ‘Se inoukihda me sohte emen tohn omw peneinei pahn kamakamala.’ Ira pil nda: ‘Pirehiong ehu sahl weitahta ni omw wenihmwtoken, oh omw peneinei pahn pitila.’

Imwen Reap, mie sahl weitahta pwoat pirapiriong ni wenihmwtoko, mihmihte ni ahnsou kelen Seriko pwupwudi

Reap eri kadaridi lipoahrok riemeno ni sahl ehu sang ni eh wenihmwtoko. Ira kohdahla pohn nahna ko oh rukuruk wasao rahn siluh mwohn ara pwurala rehn Sosua. Eri mehn Israel ko kotehla Pillap Sordan oh onopadahng en alehdi sahpwo. Seriko iei tepin kahnimw me re kalowehdi. Siohwa mahsanihong irail ren kapar pidpidakih kahnimwo pak ehu nan ehuehu rahn ong rahn weneu. Ni keisuhn rahno, irail kapar pidpidakih kahnimwo pak isuh. Samworo ko eri peuk neirail sowi kan, oh sounpei ko weriwer ni ngihl laud uwen me re kak. Kehl en kahnimwo ahpw pwupwudi! Ahpw imwen Reap me mi pohn kehlo mihmihte oh sohte pwupwudi. Reap oh eh peneinei pitila pwehki Reap likih Siohwa.

“Pil duwehte . . . Reap, e pil pwungla rehn Koht pwehki eh wiewia kan, ni eh kasamwo lipoahrok en mehn Suhs akan oh kadarirailla ni apwoat ahl tohrohr.”​—Seims 2:25

Peidek kan: Dahme kahrehda Reap sewese lipoahrok riemeno? Ia duwen mehn Israel ko arail kauwehla Seriko? Dahme wiawihong Reap oh eh peneinei?

Sosua 2:1-24; 6:1-27; Ipru 11:30, 31; Seims 2:24-26

    Pwuhk kan en lokaiahn Pohnpei (1987-2025)
    Log Out
    Log In
    • Ponapean
    • Share
    • Me Ke Mwahuki
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Log In
    Share