Audepen Pali 2

Dahme kahrehda Siohwa ketikihdo nohlik ehu me kauwehla sampah ni ahnsowo? Ni tepin poadopoad en aramas, uhpene ehu tepida wiawi, uhpene nanpwungen mwahu oh suwed. Ekei me duwehte Adam, Ihp, oh neira pwutak Kain, pilada pali me suwedo. Me malaulaukeite me duwehte Eipel oh Noha, pilada pali me mwahwo. Pali laud en aramas uhdahn suwedla me kahrehda Siohwa ketin kaimwisekala sampah suwedo. Pali wet pahn sewese kitail en sukuhlki me Siohwa kin mwahngih mehnia pali me kitail kin pilada oh me e sohte douluhl pahn ketin mweidohng me suwed en powehdi me mwahu.