‘En Kin Kanengamah’

1. Koht Lapalap Siohwa

Kin ngoangki mware sarawi.

E kin kupwurki kihsang

Karaun suwed kan ong mware.

Nan erein dih tohto kan,

E kin kanengamah laud;

E ketin pousehlahte

Kasalehda limpoak.

Kupwure iei me komour

En kohwohng aramas koaros.

Eh kadek kanengamah

Uhdahn wia kamwahu laud ehu.

2. Kanengamah kin sawas

Pwe sen kak keid nan elen Koht.

E kihong kiht meleilei,

Pere kiht sang lingeringer.

Ahnsou koaros e kin tehk

Irair mwahu rehn meteikan,

Sewese sen toupahrek

Ni at kin pwunod laud.

Patehng irair mwahu teikan

Me Koht kak ket’kihong loalat,

Kanengamah pahn sawas

Pwe sen kahlemengih at Koht.