Nsenohki Meteikan

Dahme Sises Ketin Wia

KISIN KASDO: Jesus and the Woman at the Well

1. Kilang KISIN KASDO, de wadek Sohn 4:​6-9. Mwuri koasoiapene peidek pwukat:

1. Dahme Sises mahsanihada duwen liho mwohn eh tepida mahseniong ih?

2. Sises mahsanih: “Kihdo mahs nimei ekis pihlen.” Dahme kahrehda met wia wiepe mwahu ehu en tepida koasoiong emen?

Dahme Kitail Sukuhlkihsang Sises?

2. Kitail pahn kak koasoipene mwahu ma kitail tepikihda koasoia ire ieu me aramaso pahn perenki koasoiapene.

Kahlemengih Sises

3. Onopada en wekidala omw padahk. Dehr ngihtehtehki en tepikihda ire me ke kaunopada. Ahpw tepikihda ire ehu me meteikan kin medemedewe rahnpwukat. Pein idek rehmw:

1. ‘Ia rohng kapw kan?’

2. ‘Dahme mehn mpei kan, iengei tohndoadoahk kan, de iengei tohnsukuhl kan kin koasoakoasoia rahnpwukat?’

4. Kasawih mwahu. Pein idek rehmw:

1. ‘Dahme aramaso wiewia met? Dahme e kakete medemedewe met?’

2. ‘Dahme en aramaso likou, mwomwe, de imwe kasalehiong ie duwen dahme e kin kamehlele de tiahk en sapwe?’

3. ‘Met wia ahnsou mwahu en koasoiong aramaso?’

5. Rong.

1. Dehr nohn koasoakoasoi.

2. Kangoange aramaso en kasalehda eh madamadau. Ma konehng, idek peidek kan.