TEPIDA KOASOIONG EMEN
IREN MEHN KASUKUHL 2
Koasoi Maledek
Ire Mehlel: “Meid kaperen diar mahsen pwung ni ahnsou me konehng!”—Lep. Pad. 15:23.
Dahme Pilip Wia
1. Kilang KISIN KASDO, de wadek Wiewia 8:30, 31. Mwuri koasoiapene peidek pwukat:
Ia mwomwen Pilip eh tapiada eh koasoio?
Dahme kahrehda met wia ahl mwahu ehu pwehn tepida koasoi ni maledek oh ehukihong ohlo padahk kapw ehu?
Dahme Kitail Sukuhlkihsang Pilip?
2. Ma kitail koasoakoasoipene ni maledek, aramaso pahn kak soanamwahu oh men rong dahme kitail pahn ehukihong.
Kahlemengih Pilip
3. Kasawih mwahu. Ke kak sukuhlki soahng tohto duwen aramas emen sang ni omw kin tehk pohn mese oh eh mwekid kan. Ia duwe, aramaso mwomwen men koasoiong uhk? Ke kak koasoia mehkot sang nan Paipel sang ni omw pahn idek: “Ke kin iang rong duwen . . . ?” Dehr ngihtehtehki koasoiong aramaso ma e sohte men koasoi.
4. Kanengamah. Ke dehr medewe me ke anahne mwadangete koasoia duwen padahk mehlel en Paipel. Awih ahnsou mwahu pwe ken kak ni maledek koasoia duwen met. Ele met wehwehki me ekei pak ke pahn anahne awih lao ke pwurehng koasoiong aramaso.
5. Wekidala omw padahk pwehn pahrekiong anahn en tohnihmwo. Aramaso kakete tepida koasoia duwen mehkot me ke sohte kasik. Eri nantihong ehukihong aramaso mehkot me e pahn kesempwalki, mendahki ma met wehwehki me ke pahn anahne koasoia duwen padahk en Paipel ehu me weksang dahme ke kaunopada.
PIL KILANG
Ekl. 3:1, 7; 1 Kor. 9:22; 2 Kor. 2:17; Kol. 4:6