Kalaudehla Atail Koahiek nan Doadoahk en Kalohk​—Tepida Koasoakoasoi me Kak Elehda Kalohk

Sises kak ketin kalohk ni ahnsou sohte lipilipil ong lihen Sameria men pwehki eh tepida koasoiong ih. Ia duwen atail kak kalaudehla atail koahiek ni atail tepida koasoiong irail me kitail ahpwtehn tuhwong?

• Ni kadek koasoiong aramas. Mendahki Sises ketin ngiralahr, e ketin tapiada sapwellime koasoio ni eh ketin peki eh tungoal pihl. Eri ke kak tepikihda rahnmwahu ni kadek oh eri mwein koasoia mwomwen mesenleng, de mehkot me ahpwtehn wiawi. Tamataman, atail mehn akadei keieu iei en tapiada koasoi, eri koasoia soangen ire sohte lipilipil me aramaso kakete perenki rong. Ma e sohte men rong, pwurehng song rehn emen tohrohr. Peki eimah rehn Siohwa.​—Neh 2:4; Wi 4:29.

• Rapahkihda ahnsou mwahu ken koasokoasoia rongamwahwo, ahpw dehr karuwaru. Mweidohng koasoakoasoipeneo en wiawi ni maledek. Ma ke kin ngihtehte, aramaso ele pahn soansuwedda oh kahngala koasoi. Ke dehr nsensuwedkihla ma koasoakoasoipeneo uhdi mwohn omw kak kalohk. Ma ke kin ahneki madamadau en salohki tepida koasoia rongamwahwo, kaiahneiuk ken tepida koasoakoasoi mehnda ma ke sohte pahn kalohk. [Kasalehda oh koasoiapene kisin kasdo 1.]

• Song wiahda ahnsou mwahu en kalohk ni omw koasoia sang nan omw mohngiong dahme ke kamehlele, me kakete kamwakid me rongorongo en peki ken kawehwe. Sises ketin wia soangen koasoi kan me kamwakid liho en idek peidek kan. Eri, ni ahnsou me e tepida mahmahsanih duwen rongamwahwo, ihte me e ketin wia, sapsapeng en liho peidek ko. [Kasalehda oh koasoiapene kisin kasdo 2, oh mwuri kasalehda oh koasoiapene kisin kasdo 3.]