Kalaudehla Atail Koahiek nan Doadoahk en Kalohk​—Tapiada Koasoi Rehn Emen Pwehn Elehda Ahnsou Mwahu en Kalohk ni Ahnsou Sohte Lipilipil

Dahme Kahrehda E Kesempwal: Ni ahnsou me kitail kin iang doadoahk en kalohk ihmw-lel-ihmw, kitail kin kalapw diarada me pali laud en aramas sohte kin mi ni imwarail. Ahpw, kitail pahn kakete tuhwong irail ni ahnsou me kitail kin iang daksi de mehn peidaid teikan, ahnsou me kitail kin awiawih toahkte nan imwen wini, ni ahnsou me kitail kin kommoal ni wasahn doadoahk de nan sukuhl, oh pil ahnsou teikan. Iei kupwuren Siohwa me aramas koaros en ahneki ahnsou mwahu en rong duwen Wehio. (1 Tim. 2:3, 4) Pak tohto, pwehn kalohk, kitail me pahn anahne tiengla mwowe tepida koasoi ong irail.