Kadek

Dahme Sises Ketin Wia

KISIN KASDO: Jesus Heals a Blind Man

1. Kilang KISIN KASDO, de wadek Sohn 9:​1-7. Mwuri koasoiapene peidek pwukat:

1. Dahme Sises ketin wia mahs—kamwahwihala ohl maskuno de koasoiaiong ih duwen rongamwahwo?—Kilang Sohn 9:​35-38.

2. Dahme kakete kahrehiong ohlo en men rong Sises?

Dahme Kitail Sukuhlkihsang Sises?

2. Aramas emen pahn kakete men rong atail padahk ma e pehm me kitail nsenohki ih.

Kahlemengih Sises

3. Wehwehki ahn aramaso pepehm. Song medewehla ma kowe me mi nan en aramaso irair.

1. Pein idek rehmw: ‘Dahme e pwunupwunodki? Dahme e pahn mwahuki ken wia me pahn sewese ih?’ Omw wia met pahn seweseiuk en kasalehda kadek oh nsenoh mehlel.

2. Kasalehda me ke kin nsenohki dahme e kin kesempwalki sang ni omw rong mwahu. Ma e padahkihong uhk eh pepehm duwen ire ehu de koasoia duwen kahpwal ehu me e kin lelohng, dehr song en koasoia mehkot tohrohr.

4. Koasoi ni kadek oh wahu. Ma ke nsenohki aramas emen oh uhdahn men sewese, e pahn sansalda sang ni ngilomw. Kanahieng dahme ke pahn nda oh mwomwen omw pahn nda, oh dehr koasoia soahng kan me kak kalingeringerihada.

5. Sewese aramaso. Rapahki ahl akan en sewesehki aramas emen dahme e uhdahn anahne. Ni atail kin kadek ong emen, met pahn kakete kahrehiong en men koasoiong kitail.