PWUREHNG KOASOIPENE
IREN MEHN KASUKUHL 8
Kanengamah
Ire Mehlel: “Limpoak kin kanengamah.”—1 Kor. 13:4.
Dahme Sises Ketin Wia
1. Kilang KISIN KASDO, de wadek Sohn 7:3-5 oh 1 Korint 15:3, 4, 7. Mwuri koasoiapene peidek pwukat:
Nin tapio, ia duwen rien Sises ohl ko ar mwekidki rohng me e kin ketin kalohki?
Dahme kasalehda me Sises kin ketin pousehlahte nantihong sewese rie ohlo, Seims?
Dahme Kitail Sukuhlkihsang Sises?
2. Kitail anahne kin kanengamah pwehki ekei aramas kin anahne ahnsou laud sang meteikan pwehn mwekidki rongamwahwo.
Kahlemengih Sises
3. Song wiepe teikan. Ma aramaso sohte mwadangete men onopki Paipel, dehr idingohng. Ni ahnsou me konehng, doadoahngki kisin kasdo kan de ire kan nan neitail sawaspen Paipel kan pwehn sewese ih en wehwehki dahme kin wiawi ni ahnsoun onop Paipel oh ia duwen met eh pahn wia kamwahu ehu ong ih.
4. Dehr kapahrekihpene aramas akan. Aramas koaros wekpeseng. Ma emen tohnpeneinei de emen me ke kin pwurala reh kin pweiek en onopki Paipel de apwalki pwungki padahk en Paipel ehu, medewe kahrepen eh wia met. Mie ehu padahk en eh pelien lamalamo me e kin uhdahn kesempwalki? E kin lelohng kasongosong sang eh peneinei de mehn mpe kan? Mweidohng ih ahnsou pwehn kak medewe duwen dahme ke koasoiaiongehr oh en kilang kesempwalpen dahme Paipel mahsanih.
5. Kapakapki aramaso me men rong. Peki rehn Siohwa en ketin seweseiuk ken kolokolete omw koapworopwor oh koasoi ni kadek. Kapakapki koahiek en dehdehkihla irair kan pwehn ese ahnsou dah me ke anahne uhdihsang pwurala rehn emen me sohte nohn kin nsenohki en esehla padahk mehlel.—1 Kor. 9:26.