PWUREHNG KOASOIPENE
IREN MEHN KASUKUHL 7
Pousehlahte Sewese Aramas akan
Ire Mehlel: ‘Irail kin usehlahte oh sohte uhdi padapadahk oh kalokalohki rongamwahwo.’—Wiewia 5:42.
Dahme Pohl Wia
1. Kilang KISIN KASDO, de wadek Wiewia 19:8-10. Mwuri koasoiapene peidek pwukat:
Ia duwen Pohl eh sohte uhdihsang pousehlahte sewese irail kan me men rong, mendahki ekei kin uhwong ih?
Ia uwen Pohl eh kin ngoangki pwurala pwehn padahk ong irail akan me men rong? Oh ia uwen werei me e kin wiewiahki met?
Dahme Kitail Sukuhlkihsang Pohl?
2. Atail ahnsou oh nanti laud kin anahn pwehn pweida mwahu ni atail kin pwurala rehn aramas akan oh tapiada onop Paipel rehrail.
Kahlemengih Pohl
3. Pwurala rehn aramaso ni ahnsou me mwahuong ih. Pein idek rehmw: ‘Iahd me I pahn kak tuhwong ih? Iahd oh ia wasa me e pahn keieu mwahuki en koasoiong ie?’ Nantihong pwurala reh, mendahki ma ahnsowo sohte mwahuong uhk.
4. Wiahda koasoandien pwurehng koasoipene. Ni imwin ehuehu ahnsou me kumwa kin koasoipene, song en pwungkipene ahnsou ehu me kumwa pahn kak pwurehng koasoipene. Nantihong en dehr kasapwungehla amwa koasoandio.
5. Ahnekihte koapworopwor. Dehr mwadangete medewe me aramaso sohte kin men rong pwehki e sohte kin kalapw mi ni imweo de kalapw kedirepw. (1 Kor. 13:4, 7) Pousehlahte song en tuhwong oh koasoiong aramaso, ahpw tehk kanahieng me ke kin doadoahngki mwahu omw ahnsou.—1 Kor. 9:26.