Padahk ni Ahl Mengei

Dahme Sises Ketin Wia

KISIN KASDO: Jesus Illustrates Our Father’s Care for Us

1. Kilang KISIN KASDO, de wadek Madiu 6:​25-27. Mwuri koasoiapene peidek pwukat:

1. Ia duwen Sises eh ketin karasahda mwomwen en Siohwa eh kin ketin apwalih kitail?

2. Mendahki Sises mwahngih soahng tohto duwen menpihr kan, ire mengei dahieu me e ketin kasansalehda? Dahme kahrehda met wia ahl mwahu ehu en padahk?

Dahme Kitail Sukuhlkihsang Sises?

2. Ni atail kin padahk ni ahl mengei, aramas pahn taman dahme kitail padahkihong irail, oh met pahn sair arail mohngiong.

Kahlemengih Sises

3. Dehr nohn koasoakoasoi. Koasoiahte soahng kan me mi nan sawasepen Paipel me kumwa onohnonopkio, a kaidehn soahng koaros me ke ese duwen ireo. Mwurin omw idek peidek ehu, awih ni kanengamah pwe tohnsukuhlo en sapeng. Ma e sehse pasapengo de kasalehda madamadau ehu me sohte pahrekiong padahk en Paipel, idek peidek teikan me pahn sewese ih medemedewe ireo. Ma e wehwehkier ire kesempwalo, doula.

4. Sewese tohnsukuhlo en kilang ia duwen padahk kapwo eh pid soahng kan me e sukuhlkiher. Karasepe, mwohn amwa pahn tepida iren mehn kasukuhl me pid duwen kaiasada, mwein kumwa kak ekis kousapahlih dahme tohnsukuhlo ese me pid duwen irair en me melahr akan.

5. Doadoahngki karasaras kan ni keneinei. Mwohn omw pahn doadoahngki karasaras ehu, pein idek rehmw:

1. ‘Karasaras wet mengei?’

2. ‘Tohnsukuhlo pahn mwadang en wehwehki karasaras wet?’

3. ‘E pahn sewese tohnsukuhlo en tamataman ire kesempwalo—a kaidehn ihte karasaraso?’