Sewese Mehteikan en Papah Siohwa
1 Mie sapwellimen Siohwa pwung en kasik me aramas pahn papah Ih ki mongiong unsek. (Mark 12:30; Kolose 3:23) Mehnda me kitail koaros ahneki koahiek kan me wukpeseng, emen emen kitail kin wia uwen me kitail kak en papah ih.—Madiu 13:23.
2 Kitail kak sewese mehteikan en wia uwen me irail kak en papah Siohwa? Mie ekei nan atail peneinei de nan atail mwomwohdiso me kitail kak sewese pwehn koahiekla nan kalohk oh kalaudehla arail awa kan nan kalohk?
IADUWEN KE KAK SEWESE
3 Mwein mie ekei me kin kaukaule iang mihding kan ahpw saikinte wia arail pilipil en inoukihong Koht arail mour oh pepdaisla. Kitail kak sewese irail, mwein ni atail koasoiong irail duwen ire wet?
4 Ahpw, mie ekei me pepdaisehr ahpw sohte kin iang doadoahk en pioneer de pwais teikan ma irail kak. Ekei sounkalohk kan kin iang doadoahk en auxiliary pioneer ekei pakte. Ahpw, ma mehn kangoang pahn kohwong irail, irail kak iang doadoahk en regular auxiliary pioneer de regular pioneer? Ekei pak, ma emen elder de emen pahpa de nohno de emen me kin regular pioneer kin kangoange irail, met pahn kamwekid irail en men iang doadoahk wet.—2 Tim. 4:2.
KIHDA MEHN KANGOANG
5 Ma kangoang kin kohwong ekei brother kan, irail kak “nannanti en wiahla” emen ministerial servant de elder. (1 Tim. 3:1).
6 Ke kak medewehla pil ekei pwais kan me emen nan ahmw peneinei de mwomwohdiso kak akadeiong oh re anahne sawas ni ahl wet? Irail me kin mwekidki sawas oh kangoang me kin kohwong irail kak wehwehki me Siohwa pahn “ketin katingih” irail.—Kolose 3:24.