Koakon En Peidek
◼ Ia uwen werei sounkalohk men pahn kak onopkihong emen pwuhken Knowledge?
Siohwa kin inenen kapaiada sapwellime pwihn rahnwet. Kitail kin kilang mehn kadehde en ire mehlel wet pwehki kitail kin kilang ehu ehu sounpahr aramas kid kid kei kin iangala padahk mehlel. Pwuhken Knowledge kin wia mehn doadoahk mwahu ehu pwehn sewese aramas en sukuhliki padahk mehlel. The Watchtower [lokaiahn wai] en January 15, 1996, kasalehda me pwuhken Knowledge wiawihda pwehn sewese aramas akan en sukuhliki padahk mehlel mwadang oh kekeirada ni pali ngehn pwe ren kak papidaisla mwurin arail onop sounpwong keite.
Ihme kahrehda, nan Watchtowerohte, ni pali 17, e kin kaweidki: “Mwurin aramas men kin kanokehla onopki pwuhken Knowledge oh e papidaislahr, e sohte pahn anahne onop pil ehu pwuhk.”
Dahme pahn wiawi ma aramaso kanokehlahr pwuhken Knowledge ahpw e saikinte papidaisla? Atail Doadoahk Ong Wehio en May 1999, pali 6, parakrap 23, kin katamankin kitail duwen ireo me ntingihdi nan The Watchtower me kitail sohte pahn onopkihong aramaso pil ehu pwuhk mwurin e kanokehlahr pwuhken Knowledge. Met kin wehwehki me kitail sohte men sewese aramaso mwurin e kanokehlahr pwuhken Knowledge? Soh. Kitail men sewese aramas akan en sukuhliki padahk mehlel. Ahpw, se kasikasik me erein ahnsou mwotomwot te, emen sounkalohk me kin koahiek en wia padahk me pahn kak sewese aramas men en sukuhliki Paipel oh aramaso kakete wiahda eh pilipil pwehn papah Siohwa. Ong ekei aramas, pwehki arail irair kan, re men onop pak riau nan wihk ehu.
Mehlel, ekei aramas pahn kekeirada pwand sang ekei. Ahpw, ma mwurin e onopki pwuhken Knowledge, me mwein pahn pwand en kanokehla pwuhko sang pali laud en aramas me kin onop pwuhken Knowledge, oh aramaso saikinte kaukaule iang towehda mihding kan oh miniminiong Sounkadehdehn Siohwa kan, e pahn mwahu ma sounkalohk menet pahn tuhkihong emen elder me kin iang pwihn en Congregation Service Committee pwehn idek reh dahme e pahn wia me pid aramaso. Mwein mie irair kan me pahn kak kahrehda sounkalohko en pousehla onop rehn aramaso. The Watchtower [lokaiahn wai] en January 15, 1996, pali 17, parakrap 11 oh 12 kin kasalehda met.
Ma emen pahn mwekidki dahme e sukuhliki me pid padahk mehlel, e pahn tepida iang towehda mihding kan koaros. Aramaso pahn kasalehda, ni sansal, me e men papah Siohwa. Ma aramaso sohte kin kalahnganki dahme e sukuhliki oh sohte kin mwekidki eh onopki pwuhken Knowledge mwurin eh onop ahnsou werei, e pahn mwahu en sohla onop rehn aramaso.