Idawehn Sises Ahnsou Koaros
1 Ahnsou ehu Sises mahsanih: “Mehmen me men idawehniehdo, en tounmeteikihmen idawehniehdo, en tounmeteikihla pein ih, kapaikada eh tuhke, oh idawehniehdo.” (Madiu 16:24) Kitail anahne mwekidki sapwellimen Sises mahsen pwukat. Kitail en kasawiada luhk wet oh iaduwen e pid atail mour.
2 “En Tounmeteikihla Pein Ih”: In ahnsou me kitail inoukihong atail mour ong Siohwa, kitail tounmeteikihla pein kitail. Lepin lokaiahn Krihk me kawehwehda “tounmetei” kin wehwehki “en nda soh.” Met kin wehwehki me kitail pahn, sang pein kitail, kesehla pein atail mehn akadei roporop kan, ineng kan, oh peren roporop kan—kitail pahn nantiong kaperenda Siohwa kohkohlahte.—Rom 14:8; 15:3.
3 “Kapaikada Eh Tuhke”: Mour en Kristian kin wehwehki mour en kapaikada tuhken papah Siohwa ni ngehnen tounmetei. Ehu ahl en kasalehda ngehnen tounmetei iei en ngoangki doadoahk en kalohk. Nan pahret, sounkalohk tohto perenki iang doadoahk en auxiliary pioneer. Mwein komwi kisehn irail oh ke kak kadehde duwen kapai kan me ke kin ale kin laud sang ahmw tounmetei kan. Irail me sohte kak iang doadoahk en auxiliary pioneer kak kalaudehla arail ahnsou nan doadoahk en kalohk nin duwen sounkalohk en mwomwohdiso. Ihme kahrehda, ekei mwomwohdiso kan kin pwurehng koasoanehdi arail ahnsoun tuhpene ong kalohk en wiawi minit kei mwohn ahnsou me re kin uhdahn tuhpene mahs. Sounkalohk kan tohto kin perenki met pwehki arail ahnsou en kalohk kin laudla. Ekei sounkalohk kan nda me e imwila mwahu ahnsou me irail pilada en ‘kohla pil ehu ihmw’ de en kalohk ‘pil ekei minit kan.’
4 Pil ehu ahl en tounmetei iei en wiahda mehn akadei ong pein uhk. Pwehki irail kin kaunopada mwahu oh koasoanehdi arail koasoandi, ekei kakete iang doadoahk en regular pioneer. Ekei pil kakete koasoanehdi en iang doadoahk en Bethel de doadoahk en misineri.
5 “Idawehniehdo Ahnsou Koaros”: Edetehn sapwellimen Sises tohnpadahk kan lelohng kasongosong tohto, irail ale kangoang ahnsou me irail kadehdehda sapwellimen Sises ngoang oh nannanti kalohk. (Sohn 4:34) Irail mwekidki ngehnen Sises ahnsou e mihmi rehrail oh ahnsou me e kin padahk. Ihme kahrehda irail me idawehnla Sises kin kasalehda peren mehlel. (Madiu 11:29) Eri, kitail pil anahne kangoange mehteikan en dadaur oh nantiong wia doadoahk kesempwal en kalohki Wehin Koht oh katohnpadahkih aramas akan.
6 Kitail en mwekidki mehlel sapwellimen Sises luhk en idawehnla ih nin duwen kitail en kekeirada ngehnen tounmetei. Ma kitail wia met, kitail kak ale kapai laud kan ni ahnsou kohkohdo.