Prokram en Kapokon en Rahn Tohrohr Kapw

“Wia Mepwukat Koaros Pwehki Rongamwahu” iei oaralap en prokram en kapokon en rahn tohrohr me pahn tepida nan September. (1 Kor. 9:​23) Rongamwahu en Wehio iei rohng me keieu kesempwal rahnwet. Prokramo pahn sewese kitail en kalahnganki pwais kaselel me kitail anehki en weuwa rongamwahu ong mehteikan. E pahn pil kamwekid kitail en nannanti kalohki rongamwahu oh sohte uhdisang.​—⁠Wiewia 5:⁠42.

Prokramo pahn kasansalehda iaduwen kitail pahn doadoahngki kasukuhl ngenin me kitail kin ale pwehn wia uwen me kitail kak nan doadoahk en kalohk. Kitail pahn rong sang ekei iaduwen irail kawukila arail koasoandi pwehn kalaudehla arail awahn kalohk, iangahki sounkalohk pwulopwul kan me kin wia uwen me irail kak en kalohk.​—⁠Tehk Pilipai 2:​22.

Kapahrek ong Wehi Pokon, me emen sang liki pahn wia, pahn kasalehda me kitail anahne “warohng pwehn ale manaman en weuwa rongamwahu.” (1 Deselonika 2:4) E pahn sewese kitail en wehwehki me ma kitail men warohng pwais kaselel en weuwahte rongamwahu oh wahla rehn mehteikan, kitail anahne wia soangen madamadau oh tiahk me konehng nin duwen kosonned en Koht. Kapai kan me kitail kin ale sang atail wia kupwuren Koht pahn pil sansalda.

Kitail en dehpa katiasang program kesempwal wet. Irail me ahpwtehn inoukihong arail mour ong Koht oh men pepdais ni kapokon en rahn tohrohro pahn mwadang padahkiong presiding overseer. Luhke koaros me ke kin onop Paipel rehrail en iang towehda. Kitail en mweidong Siohwa pwehn kakehlailda kitail en wia mepwukat koaros pwehki rongamwahu oh kanokehla doadoahk me keieu kesempwal mwohn Armakedon.