Prokram Kapw en Kapokon en Rahn Tohrohr

Sang ni kehl en ngehn sarawi, irail tepin Kristian ako kin kasalehda ngoang pwe rongamwahuo en kohseli ni uwen laud me e kak. (Wiewia 1:8; Kolose 1:23) Prokram en kapokon en rahn tohrohr ohng pahr 2007, “En Kedirepwki Soahng kan Me Pid Mahseno,” pahn sewese kitail en alasang arail mehn kahlemeng mwahu.—Wiewia 18:5.

Ni ah koasoia duwen mahsen en Koht Nanmwarki Depit mahsanih:“Mahsen en Kauno me likilik, e kin kaloalokongihala me soaloalokong kan.” (Melkahka 19:7) Prokram en Kapokon en Rahn Tohrohr en 2007 me koasoandi mwahu pahn koasoia duwen kesempwalpen iren Paipel kan “ong atail kapwungala wiewia sapwung kan” oh pahn kangoange kitail en doadoahngki Mahsen en Koht ong kalohk oh en padahk ni ahl me kasalehda me atail ahnsou mwotomwotlahr. (2 Timoty 3:16, 17) Prokram kapw wet pahn kasalehda iaduwen atail kak liksang lohdi nan kahpwal kan oh ale kapai ohng pein kitail ni atail pahn kapwaiada kosonned en Paipel kan nan ehuehu rahn en atail mour. E pahn pil sewese kitail en doadoahngki Mahsen en Koht en sewese irail me pwulopwul kan oh me kapw ni pali ngehn kan en kekeirada ni pali ngehn.

Tehk pwe ke en iang mih wasao ni ahnsou me prokram pahn tepida, oh rong kanahieng. Ntingihdi ire kan me ke pahn kak doadoahngki ohng pein kowe. Kasalehda ahmw kesempwaliki oh kalahnganki kaweid kan oh mehn kataman kan me ke ale, oh medemedewe iaduwen ahmw kak kapwaiada soahng kan me ke sukuhlikier.

Kapokon en rahn tohrohr pahn kalaudehla atail kalahnganki Mahsen en Koht, katamankin kitail en doulahte kesihnenda teng ni atail kin kalohki duwen Wehio ki ngoang, oh kasalehda iaduwen atail kak sewese meteikan en wia soahngohte. Eri nantihong en dehr katihasang kaweid en ni pali ngehn kan oh sawas me Siohwa kin ketikihda ni ahl wet!—Aiseia 30:20b, 21.