Theocratic Ministry School en 1998

Lepin lokaia “kasukuhl” kin wehwehki “sukuhliki mehkot katapan.” Pwehki atail iang towehda Theocratic Ministry School, kitail kin sukuhliki loalokong en Koht ahnsou koaros. Oh pil, ahnsou me kitail kin wia padahk kan, Theocratic Ministry School kin sewese kitail en kakairada atail koahiek en kalohk oh padahkih aramas duwen Pwuhk Sarawi. Prokram en Theocratic Ministry School en 1998 pahn sewese kitail en doadoahngki mwahu atail ahnsou en kakairada ni pali ngehn.

Ni ahmw kasawih koasoandi en Theocratic Ministry School, ke pahn kilang me ekei pak padahk kasiluh kin poahsoanda pohn aramas men me ntingihdi nan Pwuhk Sarawi oh ke kak diarada ede nan pwuhken Insight ko. Oh pil, pwuhken Family Happiness pahn kapatapatohng pwuhk kan me kitail pahn doadoahngki nan 1998, oh tohnsukuhl kan pahn koasoia pwuhk wet ni arail wia padahk kasiluh oh padahk kapahieu. Ahnsou me padahk kapahieu kin poahsoanda pohn pwuhken Family Happiness, emen brother pahn wia padahk wet ong mwomwohdiso. Se men katamanki tohnsukuhl koaros en dehr dauli minit 5.

Mehkot Kapw: Pwehn sewese emen emen kitail, “Koasoandi en Kalaudehla Wadek Paipel” pahn ntingihdi limwahn nempehn koul ehu ehu wihk. Mendahki ma sohte padahk pahn poahsoanda pohn koasoandi wet, akadeiong idawehn koasoandi wet. E pahn sewese uhk en ahnla wadek Pwuhk Sarawi rahn koaros ma ke saikinte wia met.

Ma ke anahne kalaudehla ahmw wehwehkihla duwen wia padahk kan oh kaweid kan oh kousapahl en nting kan, menlau wadek kanaieng dahme ntingihdi pahnangin “Theocratic Ministry School for 1998” oh pil wadek Atail Doadoahk Ong Wehio en October 1996 ni pali 3.

Ma ke saikinte iang Theocratic Ministry School, se men kangoange komwi en wia met. Sukuhl wet kin sewese sapwellimen Siohwa ladu aktikitik oh lelepek kan en koahiekla nin duwen sounkalohk kan.​—⁠1 Tim. 4:​13-​16.