Koasoandi en Theocratic Ministry School
1 Theocratic Ministry School sewesehr me rar kei en Sounkadehde kan en Siohwa en wiahla sounkalohk en rongamwahu koahiek kei. Me tohto kitail kin tamanda me kitail kin masapwehk oh pehm me kitail sohte kak ahnsou me kitail ahpwtehn iangala sukuhlo, ahpw met, kitail kin kalanganki sukuhl wet pwe e sewese kitail kekeirada ni pali ngehn oh koahiekla en wiahla sounkalohk oh sounpadahk kan en Mahsen en Koht. (Pil kilang Wiewia 4:13.) Ke iangehr sukuhl kaselel wet?
2 Ihs kak iang sukuhl wet? Nan pwuhken Organized to Accomplish Our Ministry nan pali 73 kin sapengla peideko: “Koaros me kin iang mihding kan koaros, iangahki irail me ahpwtehn tepida iang mihding kan koaros, ahpw ihte ma irail kin tiahk mwahu nin duwen kosonned en Paipel.” Kitail kin kangoange koaros me warohng—ohl, lih, me pwulopwul kan—en tuhwong elder me kin apwalih sukuhlo oh idek reh ma e kak iang.
3 Koasoandi en Sukuhlo ong 1997: Koasoandi en Theocratic Ministry School kin koasoi duwen padahk oh aramas en Paipel tohto, iangahki poadoapoad en pwihn sansal en Sounkadehde kan en Siohwa. Likin ihte atail kekeirada nin duwen atail koahiek en wia kalohk oh padahk, kitail pil sukuhliki soahng tohto wihk koaros sang nan Pwuhk Sarawi oh sawaspen Pwuhk Sarawi kan. (Lepin Padahk 9:9) Ma kitail kaunopada ong sukuhl wet, iangahki wia atail wadawad en Pwuhk Sarawi me koasoanehdi ong wihk koaros, oh iang mihding koaros kaukaule, kitail pahn paiekihda laud sang koasoandi en Theocratic Ministry School.
4 Nan 1997, pali laud en Padahk Keriau (wadawad en Pwuhk Sarawi) pahn mwotomwot sang pahr teikan. Ahnsou me tohnsukuhl pahn kaunopada padahk wet, e pahn anahne wadek wasao me koasoanehdi oh kilang minit depe ah wadawad. Mwurin mwo, e kak ese uwen laud ahnsou me luhwe ong wia tepin koasoi (introduction) oh imwin koasoi (conclusion). Met pahn sewese tohnsukuhlo en doadoahngki ah ahnsou mwahu (minit 5) oh kekeirada nin duwen ah koahiek en wadawad oh kawehwe iren Paipel kan.—1 Tim. 4:13.
5 Kalohk ni ahnsou sohte lipilipil iei pil ehu setting me tohnsukuhl kan kak doadoahngki ong Padahk Kesiluh, me kohsang pwuhken Knowledge. Eri, sistero kak wia return visit, Bible study de kalohk ni ahnsou sohte lipilipil ahnsou me e pahn wia padahko. Ahpw mehlel, keieu kesempwal kawehwe mwahu nin duwen sounpadahk koahiek men (kaidehn setting me pahn keieu kesempwal).
6 Mehndahki ke ahneki pwais en wia Padahk Keieu de Kousapahl en Wadawad en Pwuhk Sarawi ong Wihket, ke kak kasalehda ke kalanganki koasoandi en Theocratic Ministry School nin duwen ke kin kaunopada mwahu, wia ahmw pwais ni ngoang, sohte dauli ahmw ahnsou koasoanehdi ong padahko, rong oh kapwaiada kaweid sang elder me kin apwalih sukuhlo oh ahnsou koaros wia uwen me ke kak pwehn wiahda ahmw padahk mwahu. Ih duwen ahmw iang Theocratic Ministry School pahn wia kapai ong pein kowe oh koaros sounrongorong kan.