Sukuhl Ehu Me Kin Sewese Kitail en Kaunopada Ong Doadoahk me Keieu Kesempwal Nan Atail Mour
1 Aramas akan kin iang sukuhl pwehn ale kaweid pwehn sewese irail en lel mehn akadei kan me re koasoanehdi nan arail mour. Ahpw, mehn akadei dah me kesempwal sang kapinga Ih me ketikihong aramas akan mour oh kin sewese irail en sukuhliki duwen sapwellime kupwur kan oh elen mour? Sohte. Theocratic Ministry Sukuhl kin sewese kitail en koahiekla ni atail kin padahkiong meteikan duwen atail pwoson. Kahrehda, ni atail kin iang sukuhlo wihk koaros, kitail kak koahiekla ni atail kaunopada ong doadoahk me keieu kesempwal.
2 Nan insert en Atail Doadoahk Ong Wehio en sounpwong me ahpwtehn nek (October 2002) ke pahn kak diar “Koasoandi en Theocratic Ministry Sukuhl ong 2003.” Ni pali 3 en insert wet, kaweid kan me sansalda wasao me kin kasalehda iaduwen Sounapwalih en Sukuhl pahn wia sukuhlo. E pahn mwahu ma ke pahn wahda noumw pwuhk me oaralap koasoia Benefit From Theocratic Ministry School Education ahnsou me ke pahn iang towehda Theocratic Ministry Sukuhl wihk koaros. Met kitail pahn koasoiapene duwen ekei ire kan me pid koasoandi en Theocratic Ministry Sukuhl ong 2003.
3 Wiepen Koasoi: Tepida sang January 1, 2003, Theocratic Ministry Sukuhl pahn tepikihda padahk ehu me reireiki minit 5 me pid duwen wiepen koasoi de pil ehu ire me pid wadawad, onop de padahk. Sounapwalih en Sukuhlo kak wia padahk wet, de e kak kihong pil emen elder koahiek en wia padahk wet. Brothero me pahn wia padahk wet pahn kawehwehda duwen wehwehn wiepen koasoio oh kesempwalpen irair wet. Mwuri, e kak koasoia duwen irail me kasalehda irair wet nan Pwuhk Sarawi oh e pil kak kasalehda iaduwen kitail kak doadoahngki wiepen koasoi wet, oh keieu, e pahn kasalehda iaduwen wiepen koasoi wet kak sewese kitail en koahiekla nan kalohk.
4 Padahk Keieu: Brother kan me pahn wia Padahk Keieu anahne tamataman me re anahne “kasalehda kesempwalpen ire kan oh iaduwen kitail kak doadoahngki ire pwukat nan atail mour.” Met wehwehki me re anahne kasalehong tohnmwomwohdiso iaduwen irail en kak doadoahngki audepen arail padahk nan arail mour. Ma ke pahn wia Padahk Keieu, ke kak wadek pali 48-49 en pwuhken Benefit From Theocratic Ministry School Education me kin kasalehda kaweid en dahme ke kak wia pwehn kaunopada, oh tehk reference kan me kileledi nan index en pwuhko pahnangin sawaspen oaralap “Practical application.”
5 Koasoandi en Wadawad en Paipel: Mahs, ma ke kin apwaliki kolokol ahmw koasoandi, dahme ke soh koasoanehdi me ke pahn nantihong kolokol koasoandi en wadawad en pahr kohkohdo? Irail me pahn wia met pahn kak kanokehla palien Pwuhk Sarawi ni lokaiahn Krihk ni imwin pahr kohkohdo. Ke kak wadek duwen kamwahupen kolokol koasoandi en wadek Paipel (palien Pwuhk Sarawi ni lokaiahn Krihk) nan pwuhken Benefit From Theocratic Ministry School Education, pali 10, parakrap 4.
6 Ire Kesempwal kan Sang Wadawad en Paipel: Pwais wet reireiki minit eisek met pwe tohnmwomwohdiso en kak koasoia duwen wadawad en Paipel erein wihko. Irail brother kan me pahn wia pwais wet anahne wia arail pwais erein minit eisek. Pwais wet pahn wiawi wihk koaros, iangahki wihk kan me kousapahl pahn wiawi. Ni ahmw kin wia ahmw wadawad en wihko, rapahki ire kan me kak sewese iuk nan ahmw onop en peneinei, nan ahmw kalohk, de nan ahmw mour. Sapwellimen Siohwa irair dah kan me sansal sang sapwellime wiewia ong aramas akan oh wehi kan? Dahme ke sukuhliki me kakehlailih ahmw pwoson oh kalaudehla ahmw kalahnganki dahme Siohwa kin wia ong uhk? E pahn mwahu ma ke pahn kasalehda nan ahmw pasapeng duwen ire pwukat me kamwekid uhk nan wadawad en wihko, iangahki ire kan me brothero me pahn wia Padahk Keriau pahn wadek (pwehki brothero sohte pahn kawehwe duwen ire kan me e pahn wadek).
7 Padahk Keriau: Padahk Keriau pahn wia eksersais en wadawad nan wehi pokon. Pali laud en Padahk Keriau kan—wadawad pahn kohsang Pwuhk Sarawi. Ahpw, ihte Padahk Keriau me pahn wiawi ni kaimwiseklahn wihk en sounpwong koaros pahn poahsoanehda pohn The Watchtower. Brother me pahn wia Padahk Keriau pahn wadek dahme kileledi ong ih oh sohte pahn wia tepin koasoi de imwin koasoi. Ni ahl wet, e pahn kak wia uwen me e kak en kamwahuwihala ah koahiek en wadawad.—1 Tim. 4:13.
8 Padahk Kesiluh oh Kapahieu: Ekei padahk kan kin kohsang pwuhken Reasoning oh ekei padahk kan—ihte me kileledi iei oaralap. Irail me pahn wia padahk kan me kisinte wasa nan pwuhken Reasoning de ihte oaralap me kileledi—irail pahn kak research nan pwuhk teikan pwehn wiahda arail padahk. Met pahn sewese sister kan en kak koasoanehdi dahme irail pahn nda ni arail koasoi ong sister teikan me pahn wia arail “tohnihmw kan.”
9 Settings: Nin duwen dahme pwuhken Benefit From Theocratic Ministry School Education, pali 45 kasalehda—Sounapwalih en Sukuhlo pahn kak pilada setting ong uhk. Ma e sohte wia, sister kan kak pilada setting ehu sang pali 82 en pwuhko. Ma sister pahn wia padahk ehu nan sounpwong riau koaros, e pahn kak doadoahngki setting 30 erein sounpahr limau. Sister kan me pahn pilada setting No. 30, me koasoia, “Another setting appropriate to your area,” (me wehwehki “setting me konehng ong pein ahmw wasa”) kak ntingihdi arail setting nan neirail doaropwe me adaneki “assignment slip” (S-89). Sounapwalih en Sukuhlo pahn ntingihdi mehnia rahn me e doadoahngki setting ni pali 82 en nah pwuhk limwahn setting me e doadoahngki. E pahn wia met ni ahnsou me e pahn ntingihdi pohn doaropwe me kin kileledi iren kaweid kan.
10 Doaropwe me Iren Kaweid kan Ntingdi Powe: E mihmi nan pwuhken Benefit From Theocratic Ministry Education, ni pali 79-81. Kahrehda, ke anahne kihong Sounapwalih en Sukuhlo noumw pwuhk mwurin ke wia ahmw padahk. Sounapwalih en Sukuhlo pahn anahne ntingihdi nan noumw pwuhk duwen iren kaweid kan me ke doadoahngki oh Sounapwalih en Sukuhlo pahn kileledi duwen ma ke kapwaiada de soh.
11 Kousapahl: Theocratic Ministry Sukuhl kousapahl pahn wiawi ni lokaia, solahr kousapahl en nting. E pahn wiawi pak ehu nan sounpwong riau koaros oh pahn reireiki minit 30. Peidek kan me kitail pahn doadoahngki pahn pwaradahte nan Atail Doadoahk Ong Wehio. Ma wihko me kousapahl pahn wiawi pahn inenehdiong wihk me Kapokon en Circuit pahn wiawi de wihk me Sounapwalih en Circuit pahn mwemweitdo, padahk kan me pahn wiawi wihk mwurin kousapahl pahn uhd wiawi wihk en kousapahlo oh kousapahl pahn uhd wiawi wihk mwurin Kapokono de wihk mwurin Sounapwalih en Circuit mwemweitdo.
12 Sukuhl Keriau: Nan mwomwohdiso kan me mie tohnsukuhl kan tohto sang aramas 50, elder kan kak medemedewe ma re men koasoanehdi sukuhl keriau. “Koasoandi en Sukuhl Keriau kakete wiawi ong Padahk Keriau, Kesiluh oh Kapahieu de ongete Padahk Kesiluh oh Kapahieu.” (Pwuhken Ministry School, p. 285) Nan mwomwohdiso kan me sister kan kin tohto oh brother kan kin malaulau, ih soangen ahnsou me Sukuhl Keriau kak ongete Padahk Kesiluh oh Kapahieu. Elder kan pahn pilada emen brother me koahiek en apwalih Sukuhl Keriau.
13 Sounsawasepen Sounapwalih en Sukuhl: Nin duwen dahme koasoandi en Theocratic Ministry Sukuhl kasalehda, elder kan pahn pilada Sounsawasepen Sounapwalih en kihda kaweid ong irail elder oh ministerial servant kan me kin wia Padahk Keieu oh Padahko me pid ire kesempwal kan sang wadawad en Paipel. Brothero me re pahn pilada pahn anahne koahiek, oh e pahn wia emen me elder teikan kin wauneki. Ah kaweid pahn kasalehda dahme brother me wia padahko wia me mwahu oh e pil pahn kapinga ih duwen ah koahiek kan me e doadoahngki pwehn padahk oh e pahn kak kasalehda ire ehu de riau me e anahne kamwahuwihala. E sohte anahne kaweidih brother kan me kalapw wia padahk mwurin padahk koaros me re kin wia. Ahpw, brothero me elder kan pilada en wia pwukoahn Sounsawasepen Sounapwalih en Sukuhl anahne doadoahngki ah loalokong oh wehwehki me pil irail brother kan me kin wia Kapahrek ong Wehi Pokon met—re kakete koahiekla ni arail wia padahk kan oh kamwahuwihala ekei wasa kan nan arail padahk.—1 Tim. 4:15.
14 Dahme Sounapwalih en Sukuhl kan Pahn Tehk: Dahme pahn sewese Sounapwalih en Sukuhl men en kasawihada padahk kan pwe ren kak kaweidih tohnsukuhl kan? Nan pwuhken Benefit From Theocratic Ministry School Education, ni pali laud en irelaud 53 kan—kesiluh en koakon kin kasalehda duwen dahme Sounapwalih en Sukuhl kan kak tehk pwe ren kak kaweidih tohnsukuhl kan. Sounapwalih en Sukuhlo kak tehk mehn kataman oh mehn sawas teikan nan pwuhko me pahn sewese ih en tehk ia uwen tohnsukuhlo doadoahngki ah koahiek pwehn kamwekid tohnmwomwohdiso/tohnihmwo. Karasepe ieu, tehk peidek kan ni pali 55 oh pil mehn sawas kan ni kaimwiseklahn parakrap me mih ni pali 163.
15 Audehda Wasa kan: Likin wasa kan ni keilen pali kan, pil mie wasa kan nan pwuhken Benefit From Theocratic Ministry School me ke kak audehda ahnsoun pein ahmw onop oh pil ahnsou me ke iang towehda Theocratic Ministry Sukuhl. (Kilang pali 77, 92, 165, 243, 246, oh 250.) Menlau wahda noumw pwuhk ni ahnsou me ke pahn iang towehda Theocratic Ministry Sukuhl wihk koaros. Ni ahnsou me padahk wiawi me kin koasoia duwen “Wiepen Koasoi” e pahn mwahu en idawehn nan noumw pwuhk. Pahkalahng noumw pwuhk wasa kan me irail koasoia erein Theoratic Ministry Sukuhl. Tehk duwen iren sawas kan me Sounapwalih en Sukuhlo kin kasalehda. Tehk kanahieng duwen wiepen koasoi kan, peidek kan, karasaras kan me tohnsukuhl kan kin kihda. Ni ahmw pahn ntingihdi ire kesempwal kan nan noumw pwuhk, ke pahn kak tamataman oh doadoahngki ire pwukat me ke sukuhliki nan Theocratic Ministry Sukuhl.
16 Sises Krais mwahngih me kalohki Rongamwahu en Wehin Koht kin wia pwais me keieu kaselel me kak kohwong emen. E wia doadoahk me keieu kesempwal nan eh mour. (Mark 1:38) E mahsanih: “I uhdahn pahn pil kapahrengki Rongamwahu en Wehin Koht ong kahnimw teikan, pwe ih me Koht ketin poaronekiniehdo.” (Luk 4:43) Pwehki kitail aleiehr luhk en idawehn mehn kahlemeng mwahu en Sises, kitail pil kin nantihong wia doadoahk wet, oh kitail men koahiekla ni atail kin wia atail “meirong en kaping.” (Ipru 13:15) Pwehn lel mehn akadei wet, kitail en kaukaule iang towehda Theocratic Ministry Sukuhl oh pil wia atail padahk kan, pwe sukuhl wet pahn sewese kitail en kaunopada ong dahme keieu kesempwal nan atail mour.