Sounapwalih en Mwomwohdiso kan me kin Tiengala Mwowe—Sounapwalih en Theocratic Ministry School
1 Sounapwalih en Theocratic Ministry School iei emen elder me mah ni pali ngehn oh kin doadoahk laud nin duwen eh padahk oh e konehng kitail en wauneki oh miniminiong ih. (1 Tim. 5:17) Ia ah pwukoah kan?
2 Sounapwalih en Theocratic Ministry School anahne apwalih library me kin mihmi nan Kingdom Hall. E kin kangoange koaros me warohng en iang Theocratic Ministry School. E kin tehk mwahu pwehn ntingihdi pwung iahd emen emen kin wia arail padahk kan pwehn koasoanehdi mwahu arail padahk kan en wihk kohkohdo kan. Koasoandi en Theocratic Ministry School pahn langalang wihk siluh mwohn padahk kan pahn tepida. E anahne wehwehki tohnmwomwohdiso kan mwahu pwehn wehwehki emen emen oh arail koahiek kan. Mendahki emen brother pahn kak sewese ih en koasoanehdi ihs me pahn wia padahk kan, pein ih me pahn anahne tehk mwahu koasoandi en ihs me pahn wia mehnia padahk.
3 Pwehn apwalih mwahu Theocratic Ministry School, e anahne kaunopada mwahu wihk koaros pwehn wehwehki audepen padahk koaros. Ih duwen e pahn kak kangoange tohnmwomwohdiso koaros oh e pahn tehk ma emen me wia padahk kasalehda ire kesempwal koaros nan eh padahk oh e pil kak kasalehda ire kan me pahn pwarada nan Kousapahl en Theocratic Ministry School.
4 Mwurin emen tohnsukuhl pahn wia eh padahk, Sounapwalih en Theocratic Ministry School pahn kapinga ih oh kawehwe ma e kapwaiada mwahu iren kaweid me e doadoahngki de ma e anahne pwurehng kadoahke iren kaweid. Ma tohnsukuhlo anahne sawas pwehn kaunopada eh padahk, Sounapwalih en Theocratic Ministry School de emen me e pahn koasoanehdi kak sewese tohnsukuhlo.
5 Ma ke men paiekihda doadoahk laud en Sounapwalihn Theocratic Ministry School en lokaiahn Pohnpei oh lokaiahn wai, kitail anahne iang towehda Theocratic Ministry School kaukaule. Kitail pil anahne wia padahk koaros me re kihong kitail en wia oh kapwaiada kaweid me kohwong kitail oh tohnsukuhl teikan. Ni ahl wet, kitail kak koahiekla pwe kitail en kak padahki rongen Wehio mwohn pokon oh pil sang ihmw-lel-ihmw.—Wiewia 20:20; 1 Tim. 4:13, 15.