Paiekihda Prokram en Theocratic Ministry School en 1999
1 Sises iei Kaunen Sounpadahk. Aramas kan kin “pwuriamweikihla elen sapwellime padahk.” (Mark 1:22) Mendahki sohte emen kitail me kak koasoi oh padahk mwahu duwehte Sises, kitail kak nantiong en kahlemengih ih. (Wiewia 4:13) Pwehn kak wia met, atail iang kisehn prokram en Theocratic Ministry School pahn sewese kitail en kamwahuwiala atail koahiek en koasoi oh padahk.
2 Nan 1999, Padahk Keieu pahn poahsoanda pohn artikel kan me kohsang nan makasihn en Watchtower oh Awake! en 1997. Atail wehwehkihla mehkan me ngehnin pahn laudla ma kitail kin wadek ire pwukat mwowe oh eri rong nan prokram en sukuhlo. Irail kan me pahn wia Padahk Keieu anahne en kasalehda iaduwen padahko kin kadoadoahk ni ahl me katapan, oh wiahda padahk ni ahl me koaros pahn perenki rong. Padahk Kesiluh pahn poahsoanda pohn pwuhken Family Happiness (lokaiahn wai) oh ekei pak Padahk Kapahieu pahn poahsoanda pohn aramas emen nan Paipel oh ekei pak Padahk Kapahieu pahn poahsoanda pohn pwuhken Family Happiness (lokaiahn wai). Sounapwalihn en Theocratic Ministry Sukuhl anahne en tehk kanaieng padahk kan mwohn ah pahn kihong tohnmwomwohdiso padahk kan me re pahn wia. Tohnsukuhl koaros me pahn wia padahk sang nan pwuhken Family Happiness anahne en wia mehn kalimeng mwahu nan pein arail peneinei.
3 Kapwaiada Kaweid oh Kaunopada Mwahu: Koaros kak kamwahuwiala arail koasoi oh padahk. (1 Tim. 4:13) Ihme kahrehda, kitail en rapahki kaweid oh dehr lemeleme me kitail en katiasang. (Lepin Padahk 12:15; 19:20) Padahkihwei padahk mehlel en mie lipwe nan ahnsoun mihding oh nan wasahn kalohk kin laudsang ihte kasalehda ire kan de wadek iren Paipel kan ni ahl ehu me mwomwen kitail sohte nsenohki padahko. Atail padahk en lel mohngiong en aramas oh kamwekid irail ko me kin rong kitail. Kitail kak wia met ni atail pahn koasoia padahk mehlel sang nan mohngiongatail. (Pil kilang Wiewia 2:37.) Kaweid me kitail alehdi nan sukuhlo pahn sewese kitail en kapwaiada met.
4 Ni ahnsou me ke kilang edomw kilelehdi nan doaropwe me koasoanehdi padahk kan en Theocratic Ministry School, medemedewe irair kan me ke pahn koadoahke me kawehwehda nan pwuhken School Guidebook. Medemedewe dahme ke anahne wia pwehn kapwaiada kaweid kan me ke aleiehr mwowe. Doudouloale omw oarelap, ma omw padahk pahn wiawi ong tohnmwomwohdiso, de soahngen wiepen kalohk teikan me ke pahn doadoahngki ma ke anahne kasalehda met, oh iaduwen omw pahn kapwaiada iren Paipel kan me dierek nan padahko me ke pahn wiahda. Medemedewe iaduwen ken doadoahngki mwahu ire pwukat pwehn padahngki oh kamwekidiki mehteikan.—1 Timoty 4:15, 16.
5 Ma ke masak iang wia padahk nan sukuhlo, kapakapki duwen met oh koasoiaiong Sounapwalih en Theocratic Ministry Sukuhl dahme ke lemeleme. Koaros kak paiekihda ni arail pahn isaneki prokramo me pahn kohda nan Theocratic Ministry School en 1999.