Kitail Pahn Wiahiong Ehu Sounpwong En Siklasang Koaros?
1 Pahr en 1963 wia pahr ehu me kin sikla sang koaros ong sapwellimen Siohwa aramas akan. Ke wehwehki dahme kahrehda? Iei ahnsouwo me nempehn sounkalohk kan nan sampah pwon lel meh rar. Ma ke mih nan padahk mehlel ahnsouwo, ele ke pahn tamanda ia uwen atail peren pwe me tohto kin kalohki rohng en Wehio! Pwehn kasalehda ia uwen deilahn doadoahko me pweidahier, United States kelehpw wiahda mehn akadei en lel sounkalohk rar.
2 Alehda Mehn Akadei Wet: Wasaht nan Micronesia, kitail kin nannanti en lel oh koledi atail mehn akadei en sounkalohk 1,300. Ma atail nannanti kin pweida mwahu, e pahn wia sounpwong ehu me pahn sikla sang koaros! Kitail kak wia met ma kitail koaros wia atail pwukoah.
3 Kitail pahn kedirepwki towehda Kapokon en District erein ehu imwin wihk nan September, eri ken tepiada kalohk tepin sounpwongo. Ni ahnsou me ke pahn kohlahng ni wasahn kapokono wahda doaropwe (tract) kan, brochure kan, de makasihn kan pwe ken kak kalohk ohng aramas kan me ke tuhwong ni ahnsou me ke kohkohlahng ni wasahn kapokon.
4 Ma ke sohte kak mwekid pwehki soumwahu, ke kakete iang kalohk. Ke kak kalohk ong toahkte kan oh ners kan oh pil irail kan me kin mwemweitdo rehmw. Ke kak kalohk ni ahmw pahn ntingih kisinlikou de doadoahngki telepohn.
5 Ni mehlel ekei pahn kalahngki sawas kan pwe ren kak iang kalohk nan August. Elder kan oh ministerial servant kan oh irail kan me kin wia onop anahne en koasoanehdi pwe sawas wet en kohda. Dehr manokehla en mwadang kapidelong noumwail ripoht en kalohk ni imwin sounpwong pwe ken iang wadki emen sounkalohk nan sounpwong en September.
6 Kesempwalki Kapaio: Doadoahk en kalohk kin wia “likilik mwahu” ehu. (2 Tim. 1:14) Kitail kalahnganki kapai me kohwong kitail en kalohkiseli rongamwahuwo. (1 Deselonika 2:4) Ni atail medemedewe soahng koaros me Siohwa ketin wiahdahr ong kitail, kitail en mwekidki en iang kaukaule nan doadoahk kesempwal wet nan pahr koaros. Kitail endehr mweidohng mehkot en irekitaildi sang kalohk ahnsou koaros. Kitail en wiahkihla sounpwong en September wet sounpwong ehu me pahn siklasang koaros nan doadoahk en Siohwa oh nannanti en kadehde duwen ih sounpwong koaros sang met kohla!—Melkahka 34:1.