Koakon En Peidek

◼ E pahn mwahu ma Congregation Service Committee pahn padahkiong emen brother de sister en onop Paipel rehn emen brother de sister me inactive (wehwehki me e sohte iang kalohk erein sounpwong weneu irekila)?

Sounapwalih en mwomwohdiso kan pwukoahki apwalih tohnmwomwohdiso, iangahki irail me inactive. Re kin mwemweitla rehn irail inactive kan and kin tehk duwen sawas kan me pahn mwahu ong irail. Re pahn idek rehn brothero de sistero me inactive ma e men onop Paipel ma re kilang me e anahne met. Pwuhken Organized to Accomplish Our Ministry, ni pali 103 kawehwehda me Congregation Service Committee pahn kilang ihs me pahn paiekihda koasoandi en onop Paipel rehn brothero de sistero.

Sounapwalih en Kalohk pahn pilada ihs me pahn keieu mwahu en onop rehn brothero de sistero me inactive, dahme re pahn onopki, oh mehnia pwuhk me pahn keieu mwahu en onopki. Emen sister me koahiek oh mah kak sewese emen sister me inactive. Ma emen brother de sister pahn onop rehn meno me inactive, e pahn mwahu ma e pahn kelepw ahnsou me e pahn wia onop reh. Ma elder kan kihong emen en pwukoahki onop rehn emen me inactive, aramas me wia onopo kak wadek ah awahn kalohk ara onopo, oh wadek return visit kan oh me e kin pwurehng pwurala reh oh pil iangahki ara onop.​—⁠Kilang Atail Doadoahk Ong Wehio en November 1987, pali 1-2.

Pwehki meno me inactive papidaisehr, ih oh meno me onop reh sohte pahn onop ahnsou reirei. Brother de sister me onop rehn emen me inactive pahn akadeiong sewese ih en iang mihding koaros oh kaukaule iang kalohk. Sounapwalih en Kalohk pahn tehk ma me inactive wie kekeirada. Kahrepe koasoandi wet wiawi iei en sewese brother oh sister me inactive en pwukoahki pein arail kaudok mwohn Siohwa oh kesihnenda “teng” nan padahk mehlel.​—⁠Episos 3:​17 (NW); Kalesia 6:5.