Theocratic Ministry Sukuhl en 2001
1 Mie kahrepe tohto me kin kohsang nan Pwuhk Sarawi me kasalehda me kitail en wia uwen me kitail kak en iang Theocratic Ministry Sukuhl (kaunopada, wia atail padahk kan, oh soahng pwukat).—Lepin Padahk 15:23; Madiu 28:19, 20; Wiewia 15:32; 1 Tim. 4:12, 13; 2 Tim. 2:2; 1 Pit. 3:15.
2 Sangete pahr teio, Theocratic Ministry Sukuhl koasoanehdi koasoandi ehu me pid wadawad en Paipel wihk koaros. Kitail pahn wadek ehu teh en Paipel ehu ehu rahn. Tepida sang pahr wet, nan wihk en Kousapahl, pahn pil mie atail wadawad en Paipel. Koasoandi en kalaudepen wadawad en Paipel me wiawi sangete sounpahr siluh samwalahro lel met, nekier. Ahpw, ma ke men kalaudehla ahmw wadawad en Paipel likin koasoandi en wihko, ke kak wiahda pein ahmw koasoandi ong wadek Paipel.
3 Padahk keriau kin kaiahne brother kan pwehn kak “wadewadek Pwuhk Sarawi ong aramas akan.” (1 Tim. 4:13) Ni ahnsou me pwais en wia padahk keriau kohwong uhk, ken praktis padahk ni ngihl laud pak tohto. Ke kak rong audiocassette kan sang Society pwehn kamwahuwihala ahmw wadawad.
4 Padahk kasiluh oh kapahieu kin poahsoankihda pwuhken Reasoning, oh pwuhk wet kin sewese kitail nan kalohk. Ma ke sohte kak koasoia soahng koaros me kileledi ong ahmw padahk, ke kak pilada dahme pahn keieu mwahu en doadoahngki nan wasahn kalohk me ahmw mwomwohdiso kin pwukoahki. Sohte lipilipil ma ke men mwomwehda onop en Paipel rehn tohnihmw de ihmw-lel-ihmw e pahn mwahu.
5 Nantihong en wia uwen me ke kak en wia ahmw padahk kan me koasoanehdi ong uhk. Kaunopada mwahu oh koasoi sang ahmw mohngiong. Ma ke wia met, ke pahn kangoange tohnmwomwohdiso oh ke pahn pein paiekihda ni ahmw wia uwen me ke kak nin duwen tohnsukuhl men me iang Theocratic Ministry Sukuhl en 2001.