Dahme Kitail Sukuhliki Sang Video Cassette me Oaralap Koasoia: The Bible​—Its Power in Your Life

Ahnsou me ke pahn sapeng peidek pwukat, menlau kasalehda iaduwen ke mwekidki dahme ke kilang nan video cassette wet. (1a) Dahme kin kamwekid aramas rar rar kei en kamwahuwihala arail mour? (Ipru 4:​12) (1b) Dahme kitail anahne wia pwehn alehdi soangen sawas manaman wet oh doadoahngki sawas pwukat nan atail mour? (2) Mehnia iren Paipel kan me video cassette wet kasalehda me kin kak sewese me pwopwoud kan en (a) kapehse mwahu nanpwungara oh (b) en kanengamah (en dehr mwadang lingeringerda)? (3) Iaduwen wehwehki duwen pwukoah en tohnpeneinei koaros nin duwen Kristian kan kin sewese mour en peneinei en mwahula? (Episos 5:​28, 29) (4) Iaduwen Siohwa Koht kin wia mehn kahlemeng mwahu en kihong seri kan soahng siluh me re kin anahne oh mwahuki, oh iaduwen pahpa oh nohno kan kak wia met? (Mark 1:​9-​11) (5) Dahme kahrehda pahpa oh nohno kan anahne kasukuhlih neirail seri kan duwen Pwuhk Sarawi, oh dahme kahrehda e kesempwal pahpa oh nohno kan en wia met rahn koaros? (Deud. 6:​6, 7) (6) Iaduwen pahpa oh nohno kan kak wiahda onop en peneinei en kaperen ong koaros? (7) Likin onop en Paipel, dahme Mahsen en Koht kin kangoange pahpa oh nohno en kihong neirail seri kan? (8) Iaduwen kaweid sang Pwuhk Sarawi kak sewese peneinei kan en dehr lelohng kahpwal en mwohni oh soangen kahpwal pwukat me kin pid mwohni? (9) Mehnia kaweid me Pwuhk Sarawi kin kihda me ma aramas pahn doadoahngki kaweid wet, re pahn katikitikla arail lelohng kahpwal kan me pid roson en paliwar? (10) Iaduwen kaweid kan me kin mihmi nan Pwuhk Sarawi sewese iuk nan ahmw mour? (11) Dahme kahrehda ke kak ndahki me ma emen me ke kin tuhwong nan kalohk kilang video cassette wet, re kakete pwungki en onop Paipel rehmw?