Branch Letter

Dear Sounkalohk kan en Wehio:

“Koht me kin ketin kakairada tuhkeo.” (1 Kor. 3:6) E inenen kaperen en kilang me aramas tohto nan United States kin mwekidki padahk mehlel! Nan pahr en kalohk en 2003, aramas 70,000 samwa tepida onop Paipel. Inenen kaperen en rong met.

Siohwa kin kapaiada irail sounkalohk kan me kin kalohk ong irail me kin doadoahngki soangsoangen lokaia teikan. Irail wiahdahr mwomwohdiso kan oh pwihn kan nan lokaia 37 likin lokaiahn wai (English) oh lokaiahn Spain. Irail ahpwtehn wiahda keieun mwomwohdiso en lokaiahn Amharic oh lokaiahn Indonesia nan United States. Kitail en wia uwen atail kak en kalohk ong irail aramas million pak 28 me kaidehn mehn Amerika me ahnsou wet kin kousoan nan United States.

Pwehn kak wiahda pwuhk, brochure, makisihn oh tract kan ong aramas koaros me kitail kin kalohk ong, se pahn kalaudehla aht wasahn print nan Watchtower Farms, me mihmi karanih kahnimw en Wallkill, New York. Likin soahng kan me mihmi wasao ahnsou wet, se pahn kalaudehla ihmwo me mihmi wasao (add on three and a half acres of floor space). Se pahn kalaudehla ihmwo oh uwen ihmwo pahn pahrekiong Kingdom Hall pak 30! Misihn en print (printing press) laud riau me kin kak print mwadang oh mwahu pahn lel wasao nan pahr 2004. Ehu misihn en print pahn kak wiahda makisihn 25 nan sekond ehute. Soangen misihn en kihpene pwuhk kan (bindery equipment) oh misihn en kihpene pwuhk kan ong kadarala (shipping equipment) pahn lel wasao nan pahr 2004. Pwehki misihn kapw pwukat, aramas malaulau keite pahn anahn ong wiawihdahn pwuhk, brochure, makisihn oh tract tohto sang mahs oh pil arail doadoahk pahn kak mwadang sang mahs.

Ni atail pahn tepida doadoahk en kalohk nan pahr en 2004, se kin ieiang kumwail ni kapakap pwe Siohwa en ketin ‘kakairada tuhkeo.’

Riamwail kan,

U.S. Branch Office