Branch Letter

Dear Sounkalohk kan en Wehio:

Erein pahr en kalohk me ahpwtehn nek, mie circuit 9 kapw me wiawihda nan United States, oh ni erein sounpahr limau samwalahro, mie circuit 41 kapw me wiawihda. Ekei circuit kapw pwukat iei lokaiahn Spain meh 22, oh lokaiahn wai meh 11, oh lokaia teikan meh 8. United States Branch Ohpis kin apwalih circuit meh 80 oh district meh 45.

Doadoahk en kalohki Rongamwahu nan Bermuda oh deke kan en Turks oh Caicos kin inenen pweida mwahu, oh wasa pwukat kin mih pahn epwelpen United States Branch Ohpis. Sounkalohk 679 me kin mih nan deke pwukat kin onop Paipel rehn aramas 536 ni ehu ehu sounpwong, oh aramas 1,385 me iang towehda Katamano, pak riau tohto sang sounkalohk kan.

Aramas tohto kin mwemweitlahng Wallkill pwehn kilang misihn kapw me kin wiahda pwuhk kan. Emen sister mah me mwemweitla wasao koasoia: “Tour wet me inenen kaselel! I men ndaiong riei brother oh sister kan nan ai wasa duwen soahng koaros me I kilang. Ma Siohwa ketin kupwurki, I pilahn en pwurodo wasaht nan pahr koaros.”

Doadoahk en wiahda misihn kapw ko oh doadoahk teikan nan Bethel kin pweida pwehki aramas meh 1,500 me kohsang Regional Building Committee kihda arail sawas. Emen brother me apwaliahda doadoahk wet koasoia: “Ni ahnsou me I kin kilang kilang brother kan arail kin ngoangki wia doadoahk wet, met kin inenen kangoange ie, oh arail koahiek en wia doadoahk kin wia sawas laud. Se kin inenen kalahnganki arail sawas.”

Se pil men kasalehda atail kalahnganki sawas en riatail brother oh sister kid kei me kohsang state 45 me kihda arail sawas ong riatail kan me imwarail kan ohkihla melimel nan Florida. Ia uwen kaselel en iang pirien en Kristian limpoak ieu!​—1 Piter 2:​17.

Se men kalahnganki amwail kin ngoangki wia doadoahk wet! Se pil kin kalahnganki amwail sawas en mwohni ong doadoahk wet. (Lepin Padahk 3:​9, 10) Siohwa pahn inenen kapaiada atail miniminpene ni atail kin “kapinga Koht.”​—Episos 1:​12.

Riomwail brother kan,

U.S. Branch Ohpis