Branch Letter

Sounkalohk en Wehio kan:

Se perenki kilang kekeiradahn doadoahk nan wasahn kalohk en branch ohpis en United States erein pahr en kalohk en 2007! Meh 103,648 iang doadoahk en regular pioneer nan December oh met me keieu tohto. Wasahn kalohk en branch ohpis en Guam pil pweida mwahu oh Paipel study 2,537 wiawi nan September, oh met wehwehki emen sounkalohk kin wia Paipel study riemen. Nan March, tohtohsang silikis ehu en sounkalohk koaros nan wasahn kalohk en branch ohpis en Guam wia doadoahk en kalohk kaukaule, iangahki auxiliary pioneer 225 oh regular pioneer 228.

Kereniong doaropwe million 51 en Kingdom News No. 37, “Imwin Sarawi Likamw Kerendohr!” kihseli nan wasahn kalohk en branch ohpis en United States. Mwurin emen sister me wereila sohte iang kalohk alehdi ehu doaropwe, e tepida apwaliki meir. Rahn Sarawi me mwurin mwo, e iang towehda mihding oh peki onop en Paipel. Irail akan me perenki rong doadoahngki coupon me mih tinsou en Kingdom News oh peki brochure en Keep on the Watch! 2,286 oh onop en Paipel 1,087.

Mehn akadei en soangen doadoahk tohrohr pwukat iei en sewese aramas mohngiong mehlel kan en sukuhliki dahme Paipel kin uhdahn padahngki. (Madiu 28:19, 20) Ni ahnsou me ke pahn kalohk, menlau tamanda kilelehdi koaros me men rong, oh pwurehng pwurala rehrail pwehn tepida onop en Paipel. Se perenki iang kumwail nan doadoahk kesempwal wet, oh se pahn kadarala at limpoak en Kristian.

Riomwail brother kan,

Branch Ohpis en United States