Mehkot me Kak Sewese Irail

Kristian mehlel kin wia doadoahk en kalohkihong wehi pokon duwen Rongamwahu. (Pilipai 2:​17) Pwehn wia met, se koasoanehdi me ekei brochure kan, tract kan oh artikel kan pahn ntingdi ni lokaia 20 nan Internet ni www.watchtower.org. Web site wet sohte wiawihda pwehn kihseli pwuhk kan de doaropwe kan en Sounkadehdehn Siohwa kan. Kahrepe web site wiawihda pwehn kasukuhlih wehi pokon duwen dahme Sounkadehdehn Siohwa kan kin padahki sang nan Pwuhk Sarawi.

Se ahpwtehn pil koasoanehdi mehkot kapw nan aht web site. Se koasoanehdi me brochure Dahme Koht Kupwurki Kitail en Wia? en ntingdi wasao ni lokaia 220 samwa. Oh pil, tepida ni Watchtower (lokaiahn wai) en January 1, 2004 oh Awake! en January 8, 2004, makisihn pwukat ni lokaia koaros pahn kasalehda aht web address ni kaimwiseklahn pali en makisihn.

Iaduwen ke kak doadoahngki dipwisou en doadoahk wet? Ni ahnsou me ke pahn tuhwong aramas emen me perenki rong oh kin lokaiahki lokaia ieu me ke sohte wehwehki, ke kak ndaiong ih en tehk nan Internet, kasalehda web address ni makisihn en Watchtower de Awake! oh kangoange ih en tehk wasao. Ni ahl wet, e kak wadek oh kasawih Kupwurki brochure ni pein ah lokaia lao lel ke kak pwurala reh oh kihong ih pwuhk, brochure, makisihn de tract ni pein eh lokaia. De ke kak kehsehkin mwomwohidiso de pwihn en Sounkadehde me kin doadoahngki lokaia me aramaso kin doadoahngki.