Rohng Mwahu Nan Internet

Nan atail ahnsou, aramas kak rapahki iren sawas sang nan computer, iangahki Internet. Ihme kahrehda, Society kihong nan Internet soahng kan me pahn kasalehda, ni mehlel, duwen dahme Sounkadehdehn Siohwa kan kin kamehlele oh wia.

Adres en Internet iei http://www.watchtower.org oh ma ke pahn ntinglahng adreso, ke pahn kak wadek ekei tract kan, brochure kan, oh ekei artikel kan sang makisihn en Watchtower oh Awake! me ntingihdi ni lokaiahn wai, China (Simplified), Sehmen, Russia oh Spain, iangahki lokaia teikan. Pwuhk kan oh brochure kan oh makisihn kan oh tract kan me mihmi loale iei soahng kan me kitail kin doadoahngki ansoun kalohk. Kahrepen Society wia koasoandi wet kaidehn pwehn kasalehda pwuhk kapw kan ahpw en kasaleong wehi pokon soahng pwukat. Sounkadehde teikan sohte anahne kaunopada mehkot pwehn kihong nan Internet soahng kan me pid Sounkadehdehn Siohwa kan, atail wiewia kan oh dahme kitail kin kamehlele. Ihte Society me pahn kaunopada dahme mihmi nan Internet oh pahn kasalehda ire kesempwal kan ong irail me anahne.

Sohte e-mail adres wasao, ahpw e kin kasalehda rahn ohpis kan en Society nan sampah pwon. Ihme, ahnsou me aramas men wehwehki duwen Sounkadehdehn Siohwa kan de ale arail sawas, re kak ekerlahng Sounkadehde kan me kin mihmi nan arail wasa. Sounkadehde kan kak ndaiong aramas teikan adres wet pwe aramas en kak ntinglahng adres ma re men sukuhliki duwen padahk en Paipel ni ahl wet.