Ma Ke Anahne Sawaspen Paipel kan Ahnsou Mwadang ni Ehu Lokaia Tohrohr

Ekei pak kitail kin tuhwong aramas akan me men wadek sawaspen Paipel kan ni ehu lokaia tohrohr me sohte nan atail mwomwohdiso. Ke ese me ma ke kak doadoahngki Internet oh ehu printer, ke kak print sawaspen Paipel ni lokaia 400? Iet me ke kak wia:

• Kohla nan neitail Web site.

• Ni pali maun en home page, mie irekidien eden lokaia kan. Padik kilel en sampah pwe ken kak kilang soangen lokaia dah kan me mie.

• Padikidi mehnia lokaia me ke mwahuki. Pali ieu pahn kohda oh e pahn kasalehda pwuhk kan me ke kak printih, me duwehte doaropwe kan, pwuhk me mie pali 32, oh iren onop teikan. Pwehki pali wet mi ni lokaia me ke pilada, ke dehr pwunodki ma ke sohte wehwehki oaralap kan.

• Padikidi soahng sohte lipilipil me ke men kilang. Dahme ke men kilango pahn pwarada nan screeno oh ke kak printihda.

Mehn kasansalte me kin mi nan neitail Web site. Pwuhk teikan kak alahlda sang mwomwohdiso. Ma aramaso perenki, e pahn keieu mwahu en alehsang wasahn kihda pwuhk.