Kihpeseng Pwuhk, Brochure, Makisihn oh Tract kan nan Wasahn Kalohk kan me Aramas akan kin Doadoahngki Soangsoangen Lokaia kan
1. Dahme kahrehda mwomwohdiso tohto kin anahne pwuhk, brochure, makisihn oh tract kan ni lokaia teikan?
1 Nan wasa tohto rahnpwukat, aramas akan sang sahpw teikan kin mihmi nan atail wasahn kalohk kan. Aramas pwukat kak mwadang sukuhliki padahk mehlel oh pil wehwehkihla mwahu dahme irail sukuhliki ni ahnsou me irail sukuhliki padahk mehlel ni pein arail lokaia. Soangen koasoandi dah kan mie pwehn kak sewese irail me perenki rong kan ong sawaspen Paipel kan nan pein arail lokaia de lokaia me irail keieu wehwehki?
2. Dahme pahn wiawi ni ahnsou me mwomwohdiso riau de tohto sang pahn kalohk nan ehute wasa oh nan wasahn kalohko aramas tohto kin doadoahngki lokaia teikan?
2 Iahd me Mwahu en Kihla Pwuhk, Brochure, Makisihn oh Tract kan: Ni ahnsou me mwomwohdiso riau de tohto sang kin kalohk nan ehute wasahn kalohk, pwihn en elder kan anahne tuhwong Sounapwalih en Kalohk kan en mwomwohdiso teikan pwehn koasoanehdi koasoandi ehu me pahn mwahu pwehn kak kalohk ong aramas koaros ni ahl me keieu mwahu. Ni ahnsou me sounkalohk kan pahn kalohk sang ihmw lel ihmw, irail sohte pahn kihla pwuhk, brochure, makisihn oh tract ong emen me kin doadoahngki lokaia en tohnmwomwohdiso teikan. Ahpw, ni ahnsou me sounkalohk kan kin kalohk ni ahnsou sohte lipilipil de nan wasa kan me tohn wehi pokon kin kalap mihmiseli ie, sounkalohk kan kak kihla pwuhk, brochure, makisihn oh tract kan ni lokaia sohte lipilipil.—Kilang Atail Doadoahk Ong Wehio en October 1990, Kopwahn Peidek.
3. Soangen ahnsou dah me mwomwohdiso pahn anahne oaht oh kolokol pwuhk, brochure, makisihn oh tract kan nan lokaia teikan?
3 Iahd me Mwahu en Kolokol Pwuhk, Brochure, Makisihn oh Tract kan en Lokaia Teikan nan Kingdom Hall: Dahme kumwail kak wia ma aramas tohto nan amwail wasahn kalohk kin doadoahngki lokaia teikan oh sohte mwomwohdiso ong lokaia pwukat? Nan soangen irair pwukat, mwomwodiso kan kak kolokol ekei pwuhk, brochure, makisihn oh tract kan nan lokaia pwukat, duwehte Kupwurki oh Kompoakepahki Koht brochure kan oh pil pwuhken Knowledge. Sounkalohk kan kak kihla mehpwukat ni ahnsou me irail pahn tuhwong aramas akan me kin doadoahngki lokaia teikan.
4. Iaduwen atail pahn kak ale soangsoangen pwuhk kan ni lokaiahn sahpw teikan ma sohte nan mwomwohdiso?
4 Iaduwen Oaht en Pwuhk Pwukat Kak Wiawi: Ma mwomwohdiso sohte kin kolokol pwuhk kan nan lokaia ieu me aramas me perenki rong kin wadek, iaduwen sounkalohk men kak wia pwehn ale pwuhk kan ni lokaiahn aramaso? Sounkalohko kak tehk rehn brother me kin apwalih pwuhk kan pwehn tehk mehnia pwuhk, brochure, makisihn oh tract kan wiawihda ni lokaia me aramaso kak wadek oh brothero pahn oahte pwuhk kan me anahn ni ahnsou me mwomwohdiso pahn kadarala neirail oaht ni imwin sounpwongo.
5. Dahme kitail kak wia ma kitail anahne pwuhk pwukat mwadang—mwohn oaht en pwuhk kan e pahn wiawi ni imwin sounpwongo?
5 Ma sounkalohko anahne pwuhk de brochure en mwadang, e kak idek rehn emen elder me kisehn Congregation Service Committee ma re kak oaht pwuhko de brochureo mwohn mwomwohdiso pahn kadarala neirail oaht ni imwin sounpwongo. Ma irail pwungki met, elder me kin apwalih pwuhk kan de emen me e koasoanehiong kak mwadang oahte dahme sounkalohko anahne ki oaht me kadarala nan posto de oaht ni telephonela Branch Ohpis. Pwuhk pwukat me irail mwadang oaht—Branch Ohpis kak kadarodo ni mwomwohdiso neirail address me irail kak kalap ale oaht kan de Branch Ohpis kak kadarodo ni pil ehu address (Temporary Shipping Address). Ma anahne pwain pweipwei en kadarala mehkot mwadang, mwomwohdiso pahn anahne pwain met.
6. Ia atail mehn akadei me pid duwen kihseli pwuhk en Kristian kan?
6 Kitail en doadoahngki mwahu neitail pwuhk, brochure, makisihn oh tract kan pwehn kak sewese “soangsoangen aramas kan,” sohte lipilipil lokaia dah kan me irail kin doadoahngki, pwehn ‘sukuhliki loalokong pwung en padahk mehlel oh ale komourparail.’—1 Tim. 2:3, 4.