Prokram Kapw en Kapokon en Circuit

Nan “ahnsou apwal pwukat,” kitail anahne doadoahngki erpit me kin kohsang rehn Koht pwe Siohwa en kak kupwurperenki kitail. (2 Tim. 3:1) Nan Kapokon en Circuit en 2005, kitail pahn ale kaweid oh kangoang me pid duwen oaralap wet: “Ale Kaweid Sang ‘Erpit me Kohsang Rehn Koht.’ ”​—Seims 3:​17.

Tepin symposium pahn kasalehda duwen oaralap wet: “Kasalehda ‘Erpit me Kin Kohsang Rehn Koht’ Nan Atail Mour,” oh padahk kan nan symposium wet pahn sewese kitail en wehwehki dahme kitail anahne wia ma kitail men mwakelekel, ahneki popohl rehn aramas koaros, doadoahngki atail loalokong, oh onopada ong peik. Mwurin mwo, Sounapwalih en Circuit pahn kasalehda duwen ire siluh me pidada erpit sang Koht. Sounapwalih en District pahn kaimwisekala padahk kan en keieun rahn ni e pahn kasalehda iaduwen sounkalohk Kristian kan, mendahki pali laud en irail “sohte sukuhl laud oh sohte wad nin duwen aramas ndand kan,” onopadahr pwe re kak koasoia duwen erpit en Koht.​—Wiewia 4:​13.

Ni keriaun rahno, symposium pahn wiawi me pahn kasalehda duwen oaralap wet: “Nantihong Wia Soahng kan me Mwahu” oh padahk kan nan symposium wet pahn sewese kitail en wehwehki oh liksang soahng kan me kak kaluwetala atail pali ngehn. Padahk pwukat pahn kasalehda iaduwen kitail kak kangoange meteikan nan mihding kan en mwomwodiso, nan kalohk oh pil nan atail peneinei. Kapahrek ong Wehi Pokon me oaralap koasoia: “Iaduwen Erpit Sang Koht Kak Sewese Kitail,” pahn sewese kitail en kalahnganki kapai kan me kitail kin alehdi ni ahnsou me kitail doadoahngki kaweid sang Koht nan atail mour. Kaimwiseklahn padahk en rahno me oaralap koasoia, “Doadoahngki Erpit Sang Koht Kin Pere Kitail,” pahn kakehlailih kitail en sohpeiong Siohwa pwehn kak doadoahngki erpit nan imwin rahn akan.

Pil ehu kapai laud nan kapokon koaros iei papidais en tohnpadahk kapw kan. Theocratic Ministry School oh pil Onop en Kahn Iroir en wihko pahn kisehn prokramo. Siohwa kin ketin kupwurki kitail koaros en paiekihda erpit me E kin ketikihda. Kitail pahn kehlailkihda kaweid oh kangoang me kitail pahn ale nan Kapokon en Cir cuit.​—Lepin Padahk 3:​13-​18.