Kousapahl En Kapokon En Circuit

Kitail pahn doadoahngki audepen artikel wet pwehn wehwehki dahme kitail pahn sukuhliki oh pil kousapahlih prokram en Kapokon en Circuit me pahn wiawi nan pahr en kalohk en 2005. Artikel me oaralap koasoia “Koasoandi Kapw en Kousapahlih Prokram en Kapokon kan,” me pwarada ni pali 4 en insert wet, kin kawehwehda iaduwen kousapahl wet pahn wiawi. Brother me pahn wia kousapahl wet pahn koasoanehdi ah ahnsou pwehn kak wia peidek kan koaros. Kousapahl wet pahn sewese kitail en wehwehki iaduwen kitail kak doadoahngki ire kan me kitail sukuhliki nan atail mour.

KEIEUN RAHN NI MENSENG

1. Dahme pahn sewese kitail en ahneki soangen erpit me kohsang Koht?

2. Dahme sounkalohk kan nan atail circuit wia pwehn nantihong kalohk ong aramas koaruhsie duwen Rongamwahu?

KEIEUN RAHN MWURIN SOUWAS

3. Dahme kahrehda e kesempwal Kristian kan en ahneki pepehm oh madamadau mwakelekel? Iaduwen kitail kak wia met?

4. Iaduwen kitail kak ahneki popohl rehn riatail brother oh sister kan?

5. Ia wehwehn lepin lokaiahn wai: “reasonableness,” oh iaduwen kitail kak kasalehda irair wet ni ahnsou me kitail koasoanehdi iaduwen kitail pahn doadoahngki atail ahnsou?

6. Dahme kitail kak sukuhliki sang mehn kahlemeng en Sohl oh Noha? Ni ahl dah kan kitail kak kasalehda me kitail kin “onopada ong peik”? (Seims 3:17)

7. Iaduwen Kristian akan kak pere irail sang mourki mour riau?

8. Iaduwen kitail kak kahlemengih mehn kahlemeng mwahu en Pohl me kin koasoiahki erpit en Koht?

KERIAUN RAHN NI MENSENG

9. Dahme kahrehda kitail anahne kanahieng ni atail kin pilada wiewia kan me kitail pahn iang, oh dahme pahn sewese kitail en wia met?

10. Dahme irail me iang atail circuit kin wia me kin kasalehda me irail kin nantihong kaukaule iang towehda mihding kan, oh iaduwen irail paiekihda met?

11. Iaduwen tapwin peneinei kan kak sewese tohn arail peneinei kan en kekeirada ni pali ngehn?

12. Dahme irail kasalehda duwen anahn akan en atail circuit?

KERIAUN RAHN MWURIN SOUWAS

13. Nin duwen dahme sansalda nan Kapahrek ong Wehi Pokon, soangen wiewia pwung dah kan pahn sansalda ma emen mwekidki erpit sang powe?

14. Dahme kahrehda e pweipwei en likih pein kitail de likih irail me sohte kin ale kaweid sang Koht? Nan soangen irair dah kan me kitail anahne kanahieng?

15. Sang soangen lidip dah kan me erpit sang powe pahn kak pere kitail?

16. Dahme kahrehda e kesempwal en kapwaiada kaweid kan me kohda nan prokram en Kapokon en Circuit?