Koasoandi Kapw en Kousapahlih Prokram en Kapokon kan
Ni en Sehdan sampah wie susuwedla ahnsou koaros, Siohwa kin kakehlailih kitail en “kesehla mouren seupwoson Koht oh ineng suwed en sampah, oh ese kaunda nsenatail, oh momourki mour pwung oh sarawi nin sampah wet.” (Taitus 2:12) Kisehn koasoandi en sawas kan me Siohwa kin ketikihda, ni e kin doadoahngki sapwellime “ladu lelepek oh loalokong” iei Kapokon en Circuit oh Kapokon en Rahn Tohrohr em kin wiawi nan pahr koaros. (Madiu 24:45) Kapokon pwukat kin kakehlailihala atail pali ngehn!
Pwehn sewese kitail en tamataman oh kapwaiada kaweid me kitail ale, se wiahda koasoandi kapw en kousapahlih prokram en kapokon kan erein pahr en kalohk en 2005. Nan insert en Atail Doadoahk Ong Wehio en sounpwong wet (pali 5-6) mie artikel kan me kin kasalehda ekis duwen dahme kitail pahn sukuhliki oh peidek en kousapahl en prokram en kapokon kan. Mwomwohdiso kan pahn koasoia duwen peidek en kousapahl kan nan Service Mihding mwohn kapokon pahn wiawi oh pil mwurin kapokon nekier. Ia mwomwen koasoandi wet?
Wihk ehu de riau mwohn mwomwohdiso pahn iang Kapokon en Circuit, padahk me reireiki minit eisek pahn wiawi nan Service Mihding me poahsoanda pohn artikel en “Prokram Kapw en Kapokon en Circuit” pwehn kaunopada aramas akan ong prokram. Brother me pahn wia padahk wet pahn kasalehda peidek en kousapahl kan oh kangoange koaros en ntingihdi ire kesempwal kan iangahki pasapengpen peidek kan oh, ni ahl wet, sounrongorong kan kak kaunopada ong kousapahl me pahn wiawi wihk kei mwurin kapokono.
Wihk kei mwurin kapokon, kousapahl me reireiki minit 15 pahn wiawi nan Service Mihding me pahn kousapahlih keieun rahn en kapokon. Wihk mwuri, kousapahl me reireiki minit 15 pahn wiawi me pahn kousapahlih keriaun rahn en kapokon. Kitail pahn doadoahngki peidek en kousapahl kan me mihmi nan insert en Atail Doadoahk Ong Wehio en sounpwong wet. Kousapahl wet pahn sewese kitail en wehwehki iaduwen kitail kak doadoahngki dahme kitail sukuhliki nan kapokon nan atail mour. Elder kan kak kamwotehla, kihsang, de pwurehng koasoanehdi padahk teikan nan Service Mihding pwehn kak koasoanehdi mwahu ahnsou me kousapahl wet pahn wiawi.
Koasoandiohte pahn pil wiawi ni ahnsou me Kapokon en Rahn Tohrohr pahn wiawi, ahpw ihte kousapahl me reireiki minit 15 pahn wiawi nan wihk ehute mwurin kapokon pwehn kak kousapahlih prokramo pwon. Kitail koaros anahne nekidala mwahu insert wet oh doadoahngki peidek en kousapahl kan pwehn kak paiekihda kaweid mwahu kan me Siohwa kin ketikihda.—Aiseia 48:17, 18.