Kousapahl En Kapokon En Rahn Tohrohr

Kitail pahn doadoahngki audepen artikel wet pwehn wehwehki dahme kitail pahn sukuhliki oh pil kousapahlih prokram en Kapokon en Rahn Tohrohr me pahn wiawi nan pahr en kalohk en 2005. Artikel me oaralap koasoia “Koasoandi Kapw en Kousapahlih Prokram en Kapokon kan,” me pwarada ni pali 4 en insert wet kin kawehwe iaduwen kousapahl wet pahn wiawi. Brother me pahn wia kousapahl wet pahn koasoanehdi ah ahnsou pwehn kak wia peidek kan koaros. Kousapahl wet pahn sewese kitail en wehwehki iaduwen kitail kak doadoahngki dahme kitail sukuhliki nan pein atail mour.

NI MENSENG

1. Dahme kahrehda e kesempwal en rong kanahieng dahme Siohwa mahsanih? Ia wehwehn en rong? (“Dahme Kahrehda Kitail Anahne Rong Siohwa”)

2. Iaduwen peneinei kan kak ahneki oh kolokol koasoandi mwahu en wiewia soahng kan me kin kekeirada atail pali ngehn? (“Peneinei kan me Kin Rong Kanahieng Mahsen en Koht”)

3. Iaduwen irail kan nan atail circuit isaneki arail ahnsou en kalohk ni ahnsou sohte lipilipil? (“Wia Soahng Koaros Pwehn Kapinga Koht”)

4. Mehn kasukuhl dah kan kitail kak sukuhliki sang pwuhken Ipru irelaud 3 oh 4? Iaduwen Siohwa kin mahsen ong kitail nan rahnpwukat? (“Rong Siohwa Ni Ahnsou me E Kin Mahsen ong Kitail Kin Kak Pere Kitail”)

5. Iaduwen ahmw paiekihda padahk en papidais? (“Inou oh Papidais”)

MWURIN SOUWAS

6. Dahme kitail kak sukuhliki sang Sises ni ahnsou me e pwulopwul, oh iaduwen me pwulopwul nan atail circuit kin kahlemengih mehn kahlemeng mwahu en Sises? (“Iaduwen Rong Kanahieng Mahsen en Koht Kin Kakehlailihala Neitail me Pwulopwul kan”)

7. Ia ekei ahl akan me pahpa oh nohno kan kak kaiahne neirail seri kan oh me pwulopwul kan en keid elen Siohwa? (“Seri kan me Kin Rong Koht oh Sukuhliki Sang Ih”)

8. Ia ekei ahl akan me kitail kak rong kanahieng Siohwa, sapwellime Ohl, oh “ladu lelepek oh loalokong”? (Madiu 24:45) Dahme kahrehda e kesempwal me kitail en wia met? (“Rong Kanahieng Kaweid Sang Koht”)