Kousapahl en Kapokon en Circuit

Kitail pahn kousapahlih peidek pwukat ni Service Mihding mwohn oh mwurin Kapokon en Circuit kin wiawi nan pahr en kalohk en 2006. Presiding Overseer pahn koasoanehdi met nin duwen me Atail Doadoahk Ong Wehio en August 2004, pali 4 kin kasalehda. Ni ahnsou me kousapahl wet pahn wiawi mwurin Kapokon, brothero pahn wia peidek kan koaros, oh e pahn kasalehda iaduwen kitail kak doadoahngki dahme kitail sukuhliki nan atail mour.

KEIEUN RAHN

1. Iaduwen kitail kak kawekila atail mour pwehn wiahla aramas kapw, oh dahme kahrehda kitail anahne kasalehda mour kapw wet ahnsou koaros?

2. Iaduwen ekei kalaudehla arail ahnsou nan kalohk?

3. Dahme kahrehda kitail en dehr kapahrekih pein kitail ong meteikan?

4. Iaduwen tohnpeneinei kan kak kasalehda irair en mour kapw nan mour en peneinei?

5. Iaduwen kitail kak kasalehda atail utungada koasoandi en mwomwohdiso ni lelepek?

6. Dahme kahrehda kitail anahne kasalehda atail mour kapw nan kalohk?

7. Dahme doudouloale me konehng kin pid, oh iaduwen kitail kak paiekihda atail kin doudouloale?

8. Soangen irair dah kan me kitail en ahneki pwe Siohwa en kak sewese kitail?

KERIAUN RAHN

9. Ia uwen kesempwal kitail anahne kanahieng atail lokaia kan?

10. Iaduwen kitail kin kak paiekihda atail doadoahngki lokaia mwahu oh kadek ong iengetail tohndoadoahk kan, iengetail tohnsukuhl kan, oh meteikan?

11. Iaduwen kitail kak doadoahngki kaweid en Pohl me kileledi nan Episos 4:​25-​32 nan atail wiewia kan ong riatail brother oh sister kan ni pali ngehn?

12. Iaduwen kitail kak doadoahngki lowatail ni ahl me keieu mwahu, katapan oh wahu?

13. Dahme kitail anahne wia pwehn kana mendahki Me Suwedo kin nantihong kaluwetala atail pwoson?

14. Ni ahl dah kitail en dehr saminkihla tiahk suwed kan en sampah wet?

15. Dahme kahrehda kitail en kakehlailih atail pali ngehn rahn koaros, oh iaduwen kitail kak wia met?

16. Mehnia kaweid sang Kapokon en Circuit en pahr wet me ke pilahne en doadoahngki?