Pwuhken Paipel Padahngki Iei Neitail Mehn Onop Paipel
1. Ia duwen atail pahn doadoahngki pwuhken Paipel Padahngki?
1 Ia uwen kaperen en naineki pwuhken Dahme Paipel Uhdahn Padahngki? ni lokaiahn Pohnpei! Ia duwen atail pahn doadoahngki pwuhk wet? E wiawihda pwehn wia neitail mehn onop Paipel. Kangoang kowohng sounkalohk kan en mwadang doadoahngki pwehn tapiada onop Paipel.
2. Ia duwen omw pahn medewe mwahu pwehn pilada iahd me ke pahn tepida doadoahngki pwuhken Paipel Padahngki?
2 Onop en Paipel kan me Kin Wiawi Ahnsou Wet: Sounkalohk kan me doadoahngki pwuhken Loalokong oh Kupwurki anahne medewe mwahu iahd oh ia duwen arail pahn tepida doadoahngki pwuhk kapw wet. Ma onop ehu ahpwtehn wiawi, eri ke kak tepidahr doadoahngki pwuhk kapw wet sang irelaud ehu. Ma ke onopkiehr ekei irelaud kan nan pwuhken Loalokong, ke kak pousehla onop doadoahngki ehu irelaud sang nan pwuhken Paipel Padahngki me duwehte irelaud me kumwa onopki nan pwuhken Loalokong. Ma kumwa pahn kereniong kanekehla pwuhken Loalokong, eri kumwa kak pousehlahte lao nek.
3. Ihs me kak paiekihda onopki pwuhken Paipel Padahngki?
3 Kitail koaros ese aramas tohto me pahn paiekihda arail onopki pwuhken Paipel Padahngki. Eri ke sou luke emenemen irail en iang onopki pwuhk wet? Karasepe, irail kan me onopkiehr pwuhken Kupwurki de pwuhken Loalokong ahpw sohte kekeirda oh wiahda inou oh papidaisla ele pahn men pwurehng onop oh doadoahngki pwuhk kapw wet. Pahpa oh nohno kan ele pahn pilada en doadoahngki pwuhk wet pwehn kasukuhlih neirail seri kan padahk mehlel duwen kupwuren Koht.—Kol. 1:9, 10.
4. Dahme kitail kin kamehlele?
4 Kitail kamehlele me pwuhken Paipel Padahngki pahn wia mehn doadoahk kehlail ehu ni atail kin doadoahngki nan atail doadoahk en katohnpadahk.—Mad. 28:19, 20.