Koakon En Peidek

◼ Mehnia pwuhk riau me kitail en doadoahngki ni atail kin onop rehn irail akan me kin perenki rong?

Pwuhken Bible Teach de Loalokong iei pwuhk me kitail en doadoahngki oh tepiada onop Paipel rehn aramas akan. Mendahki ke kak doadoahngki ehu pwuhk tohrohr pwehn tepiada onop Paipel, e pahn mwahu ma ke pil mwadang wekidala oh tepida doadoahngki pwuhk en Bible Teach de Loalokong nan ahmw onop. Mie soangen kamwahu kan me kin kohda sang ni sounkalohk kan ar kin doadoahngki pwuhk en Bible Teach de Loalokong pwehn tepida onop.

Ni ahnsou me ke kanekehlahr pwuhk en Bible Teach de Loalokong oh tohnsukuhlo wia kekeirda, ke kak uhd tepida doadoahngki pwuhk en Kaudok. (Kol. 2:7) Pali  riau kawehwehda kahrepen pwuhk wet wiawihda: “Aramas rar kei erekiehr padahk mengei kan en Pwuhk Sarawi. Ahpw pwehn lelong peren en iang minimin en kaudok ong Koht mehlel, irail anahne en keiradahng mahlahn Kristian. Pwuhk wet wiawidahr pwehn sewese aramas pwukat koaros kalaudehla arail wehwehki Mahsen en Koht oh doadoahngki nan arail mour.”

Ma tohnsukuhlo kapwaiada mehkoaros me anahn pwehn kak papidais mwohn eh kanekehla pwuhk ko koaros, ke anahne pousehlahte nan amwa koasoandi en onop lao e kanekehla pwuhk keriauo. Mendahte ma tohnsukuhlo papidaislahr, me onop reho kak ripohtki awa, return visit, oh Paipel Study. Sounkalohk me iang ih wia onopo pil kak wadek awa kan me irail onopki.