Watchtower ONLINE LIBRARY
Watchtower
ONLINE LIBRARY
Ponapean
  • PAIPEL
  • SAWASEPEN PAIPEL KAN
  • MIHTING KAN
  • km 5/07 p. 7
  • Koakon En Peidek

Sohte kasdo ong met

Kupwurmahk, mehkot sapwung en kihda kasdo

  • Koakon En Peidek
  • Atail Doadoahk ong Wehio—2007
  • Ire kan me Duwehte Met
  • Koasoandi Kapw ong Mihting en Mwomwohdiso
    Atail Doadoahk ong Wehio—2008
  • Tuhpenehn Kalohk me Kin Kapwaiada Kahrepen Mihting Wet
    Atail Doadoahk ong Wehio—2015
  • Paiekihda Laud Sang Mihding en Tuhpenehn Kalohk
    Atail Doadoahk ong Wehio—2006
Atail Doadoahk ong Wehio—2007
km 5/07 p. 7

Koakon En Peidek

◼ Iaduwen kitail anahne pakairki tepin koul ong Theocratic Ministry Sukuhl, Service Mihding, Mihding en Wehipokon, oh Onop en Kahn Iroir, oh ihs me pahn wia pakair pwukat?

Koasoandi en Theocratic Ministry Sukuhl me mih nan insert en Atail Doadoahk Ong Wehio en October kin kasalehda mehnia koul pahn pilipilda ong tepin koul ong Theocratic Ministry Sukuhl en ehu ehu wihk. Tepin oh kaimwiseklahn koul ong Service Mihding en ehu ehu wihk kin kileldi nan pali 2 en Atail Doadoahk Ong Wehio. Duwehte met, nempe en koul ong Onop en Kahn Iroir en ehu ehu wihk kak dierek nan pali 2 en ehu ehu makasihn en Kahn Iroir. Koul kan me pilipildahr kin wia kisehn mihding oh kahrehda brother men me wia mihdingo pahn anahne pakairki, kaidehn chairman en mihding en mwowe.

Karasepe, Sounapwalih en Theocratic Ministry Sukuhl pahn kasamwo towe kan, pakairki tepin koul, wia sukuhlo, oh eri luhke brother men me pahn wia tepin padahk nan Service Mihding pohn platform. Brothero me pahn wia padahk nan Service Mihding pahn pakairki koulo me pahn tepikihda Service Mihding.

Ni ahlohte, chairman pahn tepiada Mihding en Wehipokon. E pahn kasamwo koaros me iang towehda ni elen kadek oh luhke irail en iang koulki tepin koul me brother me pahn wia kapahrek pilada. Chairmano pahn tepiada mihding ki kapakap. E pahn luhke brothero me pahn wia kapahrek oh pakairki oaralap en ah kapahreko. Mwurin kapahreko nek, chairmano sohte pahn kousapahlih mouren kapahreko, ahpw e pahn kasalehda ni mwotomwot kalahnganki kapahreko. E pahn pakairki oaralap en kapahrek me pahn wiawi ni wihk kohkohdo, ih eri pahn luhke koaros en iang Onop en Kahn Iroir. Chairmano sohte anahne idek rehn towe kan ma re men kadarala limpoak oh rahnmwahu ong mwomwohdiso me brothero me wia kapahreko kohsang ie. Mwurin mwo, chairmano pahn luhke brother me pahn wia Onop en Kahn Iroir pohn platform.

Brother me pahn wia Onop en Kahn Iroir pahn pakairki tepin koul me pahn wiawi pwehn tepiada onopo. E pahn kapwaiada kaweid kan ni ah wia onopo oh eri pakairki kaimwiseklahn koul. Pali laud en ahnsou, brother me wia Onop en Kahn Iroir pahn luhke brother me wia kapahrek en wehipokono en wia kaimwiseklahn kapakap.

En kapwaiada kaweid pwukat pahn sewese kitail en wia mihding en mwomwohdiso kan ni elen minimin.

    Pwuhk kan en lokaiahn Pohnpei (1987-2025)
    Log Out
    Log In
    • Ponapean
    • Share
    • Me Ke Mwahuki
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Log In
    Share