Prokram Kapw en Kapokon en Rahn Tohrohr

Oaralap en kapokon en rahn tohrohr ong pahr en kalohk en 2008 iei “Kitail Rasehng Pwehl—Siohwa Sounwia Sah,” me poahsoankihda Aiseia 64:8. Kaweid en Paipel kan me pahn kohda nan prokram wet pahn kalaudehla atail kalahnganki sapwellimen Siohwa erpit, kopwungpwung, manaman, oh limpoak nin duwen Sounwia Sah.

Sounapwalih en circuit pahn wia padahk, “Papah nin Duwen Sah me Kaselel ong Doadoahk en Kalohk,” oh padahk wet pahn kasalehda iaduwen aramas tohto kin paieki kapai en esehla padahk mehlel oh ehukihong meteikan. Padahk me oaralap mahsanih “Doudouloale Pahn Pere Uhk” pahn kasalehda iaduwen atail doudouloale duwen sapwellimen Siohwa mouren kosonned pwung kan pahn pere kitail. Brother me pahn mwemweit pahn wia padahk kan oaralap mahsanih “Dehr ‘Kahlemengih Wiewia kan en Sampah Wet’” oh “Mweidohng Sounwia Sah Lapalapo en Wiaikitailda.” Pahpa oh nohno kan oh pil me pwulopwul kan pahn diarada mehn kangoang kan nan padahk kan, “Me pwulopwul kan me Siohwa Kin Ketin Doadoahngki” oh “Pwukoa Kesempwal en Pahpa oh Nohno kan ong Kekeirda.” Sang nan kamwomwada kan oh interview kan, kitail pahn perenki rong oh kilang dahme riatail brother oh sister kan kin wia nan arail doadoahk en kalohk. Irail me men kasalehda arail inou ong Koht ni papidais anahne mwadang kehsehkin presiding overseer. Tamanda en wahda noumwail makasihn en Kahn Iroir me kitail pahn doadoahngki ong wihk en kapokon en rahn tohrohr.

Sohte lipilipil dahme Sounwia Sah Lapalapo kupwurki, e pahn uhdahn kapwaiada. Ahpw emenemen kitail anahne pilada iaduwen kitail pahn mwekidki sapwellime kaiahn kan. Duwehte pwehl me mih pohn mehn doadoahk en sounwia sah, irail me loalokong kan me kin peikiong sapwellimen Siohwa koasoandi kan pahn kekeirda oh wiahla sah mwahu kan ong doadoahk. Ni ahnsou me kitail pahn uhpahiong Siohwa, kitail pahn kalinganahda sapwellime kaunda oh ale kapai tohto.