Prokram Kapw en Kapokon en Rahn Tohrohr

Oaralap en prokram en kapokon en rahn tohrohr en pahr en kalohk en 2009 iei “Ke Uhdahn Pahn Kapwaiada Pwaisomw Doadoahk,” me poahsoankihda Kolose 4:17. Nin duwen Kristian kan, kitail kin kapwaiada met. Atail mehn akadei iei en kapwaiada atail doadoahk en kalohk ni lelepek, duwehte Sises ketin wia. (Sohn 17:4) Wahnpoaron Pohl pil kin kihda mehn kahlemeng mwahu ong kitail. E koasoanehdier en kapwaiada eh doadoahk en kalohk.—Wiewia 20:24.

Padahk en sounapwalih en circuit pahn kasalehda soahngesoangen sounkalohk kan me kin powehdi arail kahpwal kan nan arail doadoahk en kalohk. Padahk me oaralap koasoia “Kakairada Dahme Ke Padokedi” pahn kasalehda iaduwen kitail kak sewese irail kan me mi “nan irair en kak ale mour soutuk.” (Wiewia 13:48, New World Translation) Brother me pahn mwemweitdo pahn koasoia mahs ehuehu iretikitik nan 2 Korint 6:1-10, me oaralap koasoia “Iaduwen Kitail Kin Kasalehda Pein Kitail nin Duwen Sounkalohk kei.” Mwurin souwas, e pahn padahngki oaralap me koasoia “Kesempwaliki Ahmw Doadoahk en Kalohk.” Ke uhdahn pahn paiekihda mehn kangoang sang padahk me oaralap koasoia “Me Pwulopwul oh me Mah Kin Perenki Doadoahk en Kalohk” oh “Me Pwulopwul kan me Kin Kapwaiada Doadoahk en Kalohk.” Irail kan me men kasalehda arail inoukihong Siohwa arail mour ki papidais ni kapokon kan me pahn wiawi, anahne mwadang padahkihong presiding overseer. Ehu padahk kesempwal nan atail kapokon kan iei onop en Kahn Iroir. Wahdo noumw Kahn Iroir en onop nan wihk en kapokon en rahn tohrohr.

Ni atail kin tetehk en kapwaiada doadoahk en kalohk, kitail nantihong en dehr mweidohng soahng teikan oh wiewia teikan en kihsang ahnsou ong dahme Siohwa ketikihong kitail en wia. Iren Paipel kangoang kan me kohsang nan prokram en kapokon tohrohr wet kin sewese kitail koaros en wehwehki dahme kitail anahne wia pwehn kolokol madamadau pwung. Oh e pil sewese kitail en medemedewe dahme kitail en wia nan doadoahk en kalohk pwehn pweida mwahu.