Sawas Ehu ong Sounkalohk kan
1. Koasoandi kapw dahieu me tepida nan pahr 1938? Dahme kahrehda eh wiawihda?
1 Nan pahr 1938, sapwellimen Siohwa pwihn tapiada koasoandi kapw ehu. Mwomwohdiso kei ale luhk en iang mihting tohrohr kan. Dahme kahrehda? Ehu sawaspen Paipel me adaneki Informant (met Atail Doadoahk ong Wehio) nan January 1939 sapeng nda: “Mihting tohrohr pwukat iei kisehn koasoandi en sapwellimen Siohwa pwihn ong arail doadoahk en Wehio. Kaweid me kin kohda kin kesempwal ong emenemen pwe ren kak wia doadoahk wet ni ahl me pwung.” Ni atail kilang sounkalohk kan en Wehio ar kin wie tohtohla sang meh 58,000 nan pahr 1938 lel pohnangin meh 7,000,000 nan pahr 2009, met kin kasalehda me mihting tohrohr kan kin sewese sounkalohk tohto en “kak wia doadoahk wet”!
2. Ia oaralap en atail mihting tohrohr ong pahr en kalohk kapw?
2 Oaralap ong Pahr Kohkohdo: Kitail kin kasikasik prokram en mihting tohrohr me pahn tepida wiawi sang nan September oh mehn kangoang kan me pahn kohda. Oaralap iei “Kaidehn Kumwail Kisehn Sampah,” me kohsang nan Sohn 15:19.
3. Kapai dah kan me kitail kak ale ni atail iang towehda mihting tohrohr?
3 Mwurin ehu mihting tohrohr me ahpwtehn wiawi, emen sister me wawaila nan eh doadoahk en kalohk ntingihdi kisinlikou ehu oh nda me audepen mihtingo kahrehiong ih en kasawih eh irair kan. Met e koasoanehdi en “iang kalohk oh uhdihsang wiahda kahrepe kan en dehr iang kalohk!” Eri mihting tohrohr ong pahr en kalohk kapw wet pahn sewese kitail koaros en poakohng Siohwa a kaidehn sampah wet. (1 Sohn 2:15-17) Nantihong iang towehda oh rong kanahieng pwe ken kak paiekihda laud koasoandi limpoak wet ong sounkalohk kan!