“Kihla Kahn Iroir en Sounpwong kei Samwalahro de Neitail Kisin Pwuhk kan me Pali 32 me Kin Koasoia Dahme Tohn Ihmwo Kin Perenki”
Erein sounpwong kan me kitail kin kihla pwuhken Paipel Padahngki oh nantihong tapiada onop Paipel ni tepin atail tuhwong tohn ihmwo, kitail kin ale kangoang en “kihla Kahn Iroir en sounpwong kei samwalahro de neitail kisin pwuhk kan me pali 32 me kin koasoia dahme tohn ihmwo kin perenki,” mehnda ma mieier nah pwuhko oh sohte men onop Paipel. Dahme kahrehda?
Neitail kisin pwuhk kan me pali 32 oh pil Kahn Iroir en sounpwong kei samwalahro kin audaudki soangsoangen oaralap kan me konehng atail ahnsou. Mehkot sang nan pwuhk pwukat kak sair mohngiong en tohn ihmwo. Kahrehda, ahnsou me ke kin kihpene audepen omw ehd en kalohko, wahda soangsoangen pwuhk oh Kahn Iroir en sounpwong kei samwalahro. Ma sohte noumw kisin pwuhk pwukat, eri ke kak alehda ekei sang wasahn kihla pwuhk. Eri, ma mieier nein tohn ihmwo pwuhken Paipel Padahngki oh e sohte men onop Paipel, ke kak kasalehiong ih ekei Kahn Iroir de neitail kisin pwuhk me pali 32 pwukat oh kihong ih en kilang mehnia me e perenki. Mwuri, koasoanehdi ken pwurala oh kakairada eh men esehla padahk mehlel. Mwehin ehu onop en Paipel pahn tepida.