Koakon En Peidek

◼ Kitail anahne kapakap ni atail kin kesihnen ni wenihmw kan oh onop Paipel?

Kamwahu tohto kin kohsang atail kin tepikihda oh kaimwisekihla atail onop en Paipel kapakap. Ni atail kin kapakap, kitail kin peki sapwellimen Siohwa manaman ong atail onop. (Luk 11:13) Kapakap kin pil kasalehiong neitail tohnsukuhlo duwen kesempwalpen eh onop Paipel oh pil padahkihong ih ia duwen eh pahn kapakap. (Luk 6:40) Ihme kahrehda e mwahu en mwadang tepikihda kapakap mwurinte amwa onopki pak kei. Ahpw pwehki irair kan kin wekpeseng, me wia onopo anahne ese iahd me pahn keieu mwahu en kapakap ni eh kesihnen ni wenihmwo oh wia onop en Paipel.

Ehu ire kesempwal me kitail en tehk iei wasa me onopo kin wiawi ie. Ma onopo kin wiawi wasa me sohte nohn sansal ong aramas, ke kak tepikihda oh kaimwisekihla kapakap mwotomwot ehu. Ahpw ma omw wia met pahn kahrehda aramas akan en kilang kumwa, de tohnsukuhlo pahn soansuwed, eri e mwahu en awih lao e pahn mie wasa ehu me konehng en kapakap. Sohte lipilipil ia wasa onopo kin wiawi ie, kitail anahne doadoahngki loalokong en koasoanehdi iahd me kitail pahn kapakap.—Kilang Atail Doadoahk ong Wehio en March 2005, pali 4.