Doadoahk en Pakairki Katamano Pahn Tepida March 1
1. Iahd me kitail pahn tepida pakairki Katamano, oh dahme kahrehda doadoahk wet pahn reireiki pahret?
1 Nialem March 1, kitail pahn tepida atail doadoahk en luke meteikan en iang kitail towehda Katamano. Katamano pahn wiawi ni March 26, kahrehda doadoahk en luhk pahn ekis reireisang pahr samwalahr ko. Met pahn kihda ahnsou mwahu ong aramas tohto ren ale doaropwehn luhk, ahpw mehlel ma wasahn kalohk en mwomwohdiso me laud.
2. Ia koasoandi en ale doaropwehn luhk oh wia luhk nan wasahn kalohk kan?
2 Koasoandi en Luhko: Elder kan pahn kihda kaweid ong ia duwen luhk eh pahn wiawi nan wasahn kalohk, oh pil ma kitail anahne kihdi luhk kan ni ihmw kan me sohte towe. Ma mihete luhwen doaropwehn luhk mwurin atail kanekehla kalohk en ihmw lel ihmw, mwein kitail kak doadoahngki pwehn kihseli ni wasa kan me aramas kin kalapw kohla ie. Sounapwalih en kalohk pahn anahne tetehk ma luhk kan me kileldier ahnsou oh wasa kin mie ni wasahn pwuhk oh makasihn kan ong sounkalohk kan en ale. Doaropwehn luhk kan pahn kin kohda ahpw kaidehn koaros. Kitail en alehte uwen me kitail anahne kihla nan ehu wihk.
3. Dahme kitail anahne tamataman ni atail pahn kihla luhk kan?
3 Dahme Kitail Pahn Nda? E keieu mwahu en koasoi ni mwotomwot pwe met pahn mweidohng kitail en tuhwong aramas tohto ni uwen atail kak. Nan pali 4, mie wiepen kihla luhko me kitail kak wekidala ma konehng atail wasahn kalohk. Kitail sohte anahne mwadang kohkohla ma tohnihmwo kadek oh mie eh peidek kan. Ma kitail iang kihseli luhk ni imwin wihk kan, kitail anahne pil kihla makasihn ma konehng. Ni March 2, kitail pahn keieu nsenohki kihseli luhk a kaidehn tapiada onop en Paipel kan.
4. Dahme kahrehda kitail en ngoangki iang doadoahk en luhk?
4 Kitail koapworopworki me me tohto pahn iang kitail towehda Katamano. Padahko pahn kawehwehda ihs uhdahn Sises. (1 Kor. 11:26) E pahn kasalehda ia duwen sapwellime pwoula eh kin sewese kitail. (Rom 6:23) Oh e pahn pil kasalehda dahme kahrehda e kesempwal kitail en kin taman ih. (Sohn 17:3) Kitail en ngoangki iang doadoahk en luhk wet!