Doadoahk en Luke Meteikan ong Katamano Pahn Tepida March 22

Nan sounpar wet atail doadoahk en luke meteikan ong Katamano pahn tepida Rahn Kaunop, March 22. Kangoang kin kohwong koaros en wia uwen ar kak en iang doadoahk wet. Ni imwin wihk kan kitail pahn pil kihla makasihn kapw kan ma konehng. Tepin Rahn Kaunop en April, kitail pahn keieu nsenohki kihseli luhk a kaidehn en tapiada onop en Paipel. Ahpw, ma kitail tuhwong emen me perenki rong, kitail kak song tapiada onop en Paipel reh. Sounapwalih en kalohk kak tehk ma kihla doaropwehn luhk nan wasa kan me aramas kin kalapw kohla ie pahn kak sewese mwomwohdiso en tuhwong aramas tohto nan wasahn kalohk. Ntingihedi eden irail kan me ke men luke me duwehte peneinei, tohndoadoahk kan, tohnsukuhl kan, irail me ke kin pwurala reh oh pil meteikan me ke kin ese. Kihong irail doaropwehn luhk ni ahnsou me doadoahk en luhk tepida. Se koapworopworki me aramas tohto pahn kak iang kitail ni atail pahn katamanda kasalepen limpoak keieu lapalap me Siohwa oh Sises ketin kasalehiong kitail.​—Sohn 3:16; 15:13.