Ke Anahne Uhdi?

Ni ahnsoun kalohk, ekei sounkalohk kin uhdi kalohk nan soangen ahnsou ehu, ele nin souwas. Ahn ekei irair ele kahrehiong irail en uhdi kalohk ni soangen ahnsou ehu. Ahpw ke kin uhdi kalohk pwehki meteikan nan omw pwihn en kalohk nekier de pwe ih ahnsowo me kumwail kin kalapw uhdi kalohk? Ke pahn kak kareireikihla minit kei omw kalohk oh kalohk wasa me aramas kin mihseli ie me duwehte wia kalohk en nanial? Ke kak pwurala rehn emen de riemen me men rong ni omw pwurupwurala imwomwo? Medewehla ia uwen mwahu ma ke pahn diar emen ni imweo, de kihla makasihn kan rehn irail me ke tuhwong nanial! Ma kitail sohte anahne uhdi, kareireikihla atail kalohk minit kei iei ahl mengei en kalaudehla atail “meirong en kaping.”—Ipru 13:15.