Koakon En Peidek
◼ Mehnia kaweid en Paipel me kitail kak doadoahngki ong cell phone ni ahnsoun mihting oh kalohk?
“Mie Ahnsou ong Soahng Koaros.” (Ekl. 3:1, NW): Aramas kak doadoahngki cell phone pwehn ntingpene de koasoipene ni ahnsou sohte lipilipil. Ahpw mie ahnsou kan me Kristian kan sohte kin men neirail cell phone en kedirepwe irail. Karasepe, atail mihting kan iei ahnsoun kaudokiong Siohwa, ale sapwellime kaweid oh kangoangpene nanpwungatail. (Deud. 31:12; Mel. 22:22; Rom 1:11, 12) Ia duwe, kitail kak kakunla neitail cell phone ni atail kin lel Wasahn Kaudok oh mwurin mihting kitail nek kilang neitail cell phone? Ma mie mehkot karuwaru me pahn kahrehda kitail en sohte kakunla neitail cell phone kan, kitail anahne wiahda cell phoneo en dehr kedirepwe meteikan.
“Mepwukat Koaros I Kin Wiewia Pwehki Rongamwahu.” (1 Kor. 9:23): Ekei pak, mie kahrepe mwahu en doadoahngki cell phone nan kalohk. Karasepe, brother men me apwalih pwihno ele doadoahngki nah cell phone pwehn tehk irail kan me kalohk ekei wasa nan wasahn kalohko. Ekei pak, sounkalohk kan kin doadoahngki neirail cell phone pwehn lokaiahiong aramas emen me kin perenki rong de emen me re kin onop reh mwohn arail pahn kohla, ahpw mehlel ma aramaso kin mi wasa doh. Ma kitail wa cell phone, kitail anahne kanahieng pwe e de kauwehla atail koasoakoasoiong tohnihmwo. (2 Kor. 6:3) Ni atail kin awiawih sounkalohk teikan, e sou pahn mwahu en nsenohki atail kalohk oh irail me iang kitail, ahpw ieremen delepwohn de ntinglahng emen kompoakepatail?
Nsenohki Meteikan. (1 Kor. 10:24; Pil. 2:4): Kitail dehr mwamwahliki kuloak en tuhpenehn kalohk oh medewe me kitail kak doadoahngki cell phone pwehn esehda ia wasa atail pwihn pahn kalohk ie. Ma kitail kin pwand, pwihnen kalohk pahn anahne pwurehng koasoansapahl. Mwein ekei pak, irair kan me kitail sohte kak wekidala kin kahrehiong kitail en pwand. Ahpw ni atail kin mwadang ahnsou koaros, kitail kin kasalehda atail nsenohki sapwellimen Siohwa koasoandi, brother me apwalih oh sounkalohk teikan.