Watchtower ONLINE LIBRARY
Watchtower
ONLINE LIBRARY
Ponapean
  • PAIPEL
  • SAWASEPEN PAIPEL KAN
  • MIHTING KAN
  • km 11/13 p. 1
  • Alasang Soukohp akan—Oseia

Sohte kasdo ong met

Kupwurmahk, mehkot sapwung en kihda kasdo

  • Alasang Soukohp akan—Oseia
  • Atail Doadoahk ong Wehio—2013
  • Ire kan me Duwehte Met
  • Sapwellimen Oseia Kokohp Kin Sewese Kitail En Kak Iang Koht Kekeidwei
    Kahn Iroir Pakpakairki Wehin Siohwa—2006
  • Ire Kesempwal akan Sang nan Pwuhken Oseia
    Kahn Iroir Pakpakairki Wehin Siohwa—2007
  • Iang Koht Kekeidwei Oh Dolung Dahme Mwahu
    Kahn Iroir Pakpakairki Wehin Siohwa—2006
  • “Sapwellimen Siohwa Ahl Akan Me Pwung”
    Kahn Iroir Pakpakairki Wehin Siohwa—2006
Kilang Pil Ekei
Atail Doadoahk ong Wehio—2013
km 11/13 p. 1

Alasang Soukohp akan​—Oseia

1. Soangen peidek dah me mwein ke kin pein idek rehmw?

1 ‘Soangen tounmetei dah kan me I men wiahiong Siohwa?’ Mwein ke kin pein idek rehmw soangen peidek wet ni omw kin doudouloale duwen sapwellime kadek sapan oh mahk. (Mel. 103:2-4; 116:12) Oseia perenki kapwaiada dahme Siohwa ketin kehkehlingkihong ih en wia, mehnda e anahne wiahda tounmetei kan. Ia duwen atail kak alasang Oseia?

2. Ia duwen atail kak alasang ahn Oseia mehn kahlemeng mwahu en dadaurete kalohk?

2 Kalohk ni Ahnsou Apwal: Rong me Oseia kalohki kin keieu kohwong keinek eisek en wehin Israel, wasa me kaudok mehlel kereniong sohrala. Nanmwarki Seropoham keriau kin wia dahme suwed mwohn silangin Siohwa oh kin pousehlahte kaudok en dikedik en kouwol me Seropoham keieu tepihada. (2 Nan. 14:23, 24) Nanmwarki kan mwuri pil pousehlahte kahrehiong wehin keinek eiseko en susuwedla lao e sohrala nan pahr 740 mwohn Krais. Ahpw mendahki kaudok likamw eh rekla, Oseia kin lelepek papah nin duwen soukohp men erein sounpar 59 samwa. Ia duwe, kitail kin pil duwehte met oh koasoanehdi teng en kalohk ehuehu pahr, mehnda ma aramas tohto sohte perenki rong de mehnda ma kitail lelohng uhwong?​—2 Tim. 4:2.

3. Ia duwen en Oseia mour eh karasahda duwen sapwellimen Siohwa mahk?

3 Kasansalehda Duwen Sapwellimen Siohwa Mahk: Siohwa ketin padahkihong Oseia: “Kohwei oh pwoudikihda emen lihen. Omw pwoud sohte pahn loalopwoatohng uhk.” (Os 1:2) Mehnda eh pwoud Komer naitikihong nah pwutak emen, mwuri e sansal me liho naitikihada seri riemen me kaidehn nein Oseia. En Oseia men mahkohng eh pwoud kin karasahda duwen sapwellimen Siohwa mahk kalahngan ong mehn Israel keptakai ni arail koluhla. (Os 3:1; Rom 9:22-26) Ia duwe, kitail kin men tounmeteikihla dahme kitail mwahuki pwehn kasansalehda sapwellimen Siohwa mahk ong soangen aramas koaros?​—1 Kor. 9:19-23.

4. Ia ekei tounmetei kan me mwein kitail kak wiahiong Siohwa?

4 Ekei sapwellimen Koht ladu kan kin tounmeteikihla doadoahk en mwohni kaselel kan pwehn kak kalaudehla arail ahnsou ong kalohk. Meteikan kin pilada en kiripw de sohte naineki seri pwe ren kak rapahki mahs Wehio. Ni atail kin doudouloale duwen mour en Oseia, mwein kitail kin medemedewe duwen pein kitail oh nda, ‘I sohte kak wia dahme e wia.’ Ahpw ni atail kalahnganki sapwellimen Siohwa kadek sapan eh kin lalaudla oh kitail kin likih sapwellime manaman, ele e pahn ketin doadoahngki kitail ni ahl akan me kitail sohte leme kitail kakohng, duwehte Oseia.​—Madiu 19:26; Pilipai 2:13.

    Pwuhk kan en lokaiahn Pohnpei (1987-2025)
    Log Out
    Log In
    • Ponapean
    • Share
    • Me Ke Mwahuki
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Log In
    Share